ಇತ್ತೀಚಿನ ಸುದ್ದಿ
ಏರ್ಟೆಲ್ ಐಪಿಟಿವಿಯಲ್ಲಿ ಸ್ವಾತಂತ್ರ್ಯ ದಿನಾಚರಣೆಗೆ ವಿಶೇಷ ವೀಕ್ಷಣಾಪಟ್ಟಿ ಅನಾವರಣ
12/08/2026, 21:23
ಮಂಗಳೂರು(reporterkarnataka.com): ಸ್ವಾತಂತ್ರ್ಯ ದಿನಾಚರಣೆಯ ಪ್ರಯುಕ್ತ ಏರ್ಟೆಲ್ ಐಪಿಟಿವಿ ವಿಶೇಷ ವೀಕ್ಷಣಾಪಟ್ಟಿಯನ್ನು ಅನಾವರಣಗೊಳಿಸಿದೆ. ಭಾರತೀಯ ಯೋಧರ ಶೌರ್ಯ, ತ್ಯಾಗ ಹಾಗೂ ದೇಶಸೇವೆಯನ್ನು ಸ್ಮರಿಸುವ ಉದ್ದೇಶದಿಂದ ವಿವಿಧ ವಿಶೇಷ ಕಾರ್ಯಕ್ರಮಗಳು ಮತ್ತು ಚಿತ್ರಗಳನ್ನು ವೀಕ್ಷಕರಿಗಾಗಿ ಸಿದ್ಧಪಡಿಸಲಾಗಿದೆ.
ಏರ್ಟೆಲ್ ಮತ್ತು ನೆಟ್ಫ್ಲಿಕ್ಸ್ ಸಂಸ್ಥೆಗಳು ಜಂಟಿಯಾಗಿ ಭಾರತೀಯ ಯೋಧರ ಶೌರ್ಯಕ್ಕೆ ಕೃತಜ್ಞತೆ ಸಲ್ಲಿಸುವ ವಿಶೇಷ ಅಭಿಯಾನವನ್ನು ರೂಪಿಸಿವೆ. ಇದರ ಭಾಗವಾಗಿ ವೀಕ್ಷಕರು ದೇಶಕ್ಕಾಗಿ ಸೇವೆ ಸಲ್ಲಿಸಿದ ಯೋಧರನ್ನು ಸ್ಮರಿಸುವಂತೆ ಹಾಗೂ ಅವರಿಗೆ ಗೌರವ ಸಲ್ಲಿಸುವಂತೆ ಕರೆ ನೀಡಲಾಗಿದೆ.
ಭಾರತೀಯ ವಾಯುಪಡೆಯ ಗೋಲ್ಡನ್ ಆರೋಸ್ ಸ್ಕ್ವಾಡ್ರನ್ ಹಾಗೂ 1999ರ ಕಾರ್ಗಿಲ್ ಯುದ್ಧದಲ್ಲಿ ಅದು ನಿರ್ವಹಿಸಿದ ಐತಿಹಾಸಿಕ ಪಾತ್ರದಿಂದ ಪ್ರೇರಣೆ ಪಡೆದಿರುವ ‘ಆಪರೇಷನ್ ಸಫೇದ್ ಸಾಗರ್’ ವೆಬ್ ಸೀರೀಸ್ ಈ ವಿಶೇಷ ವೀಕ್ಷಣಾಪಟ್ಟಿಯ ಪ್ರಮುಖ ಆಕರ್ಷಣೆಯಾಗಿದೆ.
ಅತ್ಯಂತ ಕಠಿಣ ಹಾಗೂ ಸವಾಲಿನ ಪರಿಸ್ಥಿತಿಗಳಲ್ಲಿಯೂ ದೇಶಕ್ಕಾಗಿ ಸೇವೆ ಸಲ್ಲಿಸಿದ ವಾಯುಪಡೆಯ ಯೋಧರ ಅಪ್ರತಿಮ ಶೌರ್ಯ, ನಿಖರತೆ ಮತ್ತು ತ್ಯಾಗವನ್ನು ಈ ಸರಣಿ ವೀಕ್ಷಕರ ಕಣ್ಣಮುಂದೆ ತೆರೆದಿಡಲಿದೆ.
ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ವಿಶೇಷ ಕಾರ್ಯಕ್ರಮಗಳನ್ನು ವೀಕ್ಷಿಸಿ, ದೇಶಕ್ಕಾಗಿ ಸೇವೆ ಸಲ್ಲಿಸಿದ ವೀರ ಯೋಧರನ್ನು ನೆನಪಿಸಿಕೊಳ್ಳುವಂತೆ ಏರ್ಟೆಲ್ ಮನವಿ ಮಾಡಿದೆ. ಜೊತೆಗೆ #MillionThankYou ಅಭಿಯಾನದ ಮೂಲಕ ಯೋಧರಿಗೆ ಕೃತಜ್ಞತೆ ಸಲ್ಲಿಸುವಂತೆ ಸಾರ್ವಜನಿಕರಿಗೆ ಕರೆ ನೀಡಲಾಗಿದೆ.
