ಇತ್ತೀಚಿನ ಸುದ್ದಿ
Sports | ಪ್ರಥಮ ಶ್ರೇಯಾಂಕಿತ ದಿಯಾ ಭೀಮಯ್ಯಗೆ ರಾಷ್ಟ್ರೀಯ ಮಟ್ಟದ ಜೂನಿಯರ್ ಬ್ಯಾಡ್ಮಿಂಟನ್ ಆಯ್ಕೆ
13/05/2026, 22:02
ಬೆಂಗಳೂರು(reporterkarnataka.com): ಬೆಂಗಳೂರಿನ ವಸಂತ ನಗರದ ಕರ್ನಾಟಕ ಬ್ಯಾಡ್ಮಿಂಟನ್ ಅಕಾಡೆಮಿಯಲ್ಲಿ ಮೇ ತಿಂಗಳು 3 ರಿಂದ 10ನೇ ತಾರೀಖಿನವರೆಗೆ ನಡೆಸಲಾದ ಯೋನೆಕ್ಸ್ ಸನ್ ರೈಸ್ ಆಲ್ ಇಂಡಿಯ ಜೂನಿಯರ್ (19 ವರ್ಷದೊಳಗಿನ)ರಾಂಕಿಂಗ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್ 2026 ರಲ್ಲಿ ಜೂನಿಯರ್ ವಿಭಾಗದಲ್ಲಿ ಭಾರತದ ಪ್ರಥಮ ಶ್ರೇಯಾಂಕಿತ ಕೊಡಗಿನ ದಿಯಾ ಭೀಮಯ್ಯ ಬಾಲಕಿಯರ ಡಬಲ್ಸ್ ನಲ್ಲಿ ಹರಿಯಾಣದ ಬಾರುನಿ ಪರುಸ್ವಾಲ್ ಜೊತೆಗೂಡಿ ಪ್ರಥಮ ಸ್ಥಾನ ಗಳಿಸಿರುತ್ತಾರೆ.
ಅಂತಿಮ ಪಂದ್ಯದಲ್ಲಿ ಅವರು ತಮಿಳು ನಾಡಿನ ಜೋಡಿ ಅನುಷ್ಕ ಜೆನ್ನಿಫರ್ ಎ ಎಸ್ ಮತ್ತು ದೀಶಿತ ಸಿಂಘ ಗೋಪಿನಾಥ ಸಿಂಗ್ ಅವರೆದುರು 21-10, 22-20 ಅಂಕಗಳಿಂದ ಜಯ ಗಳಿಸಿದರು.
ಈ ವಿಜಯ ಅವರಿಗೆ ಜಪಾನಿನ ಯಟ್ಸುಶಿರೊ ನಲ್ಲಿ 26ನೇ ಜೂನ್ ರಿಂದ 5ನೇ ಜುಲೈ ವರೆಗೆ ನಡೆಯಲಿರುವ ಬ್ಯಾಡ್ಮಿಂಟನ್ ಏಶಿಯ ಜೂನಿಯರ್ ಚಾಂಪಿಯನ್ 2026 ಟೂರ್ನಿಯಲ್ಲಿ ಭಾರತ ಜೂನಿಯರ್ ತಂಡವನ್ನು ಪ್ರತಿನಿಧಿಸುವ ನೇರ ಅವಕಾಶವನ್ನು ಒದಗಿಸಿದೆ.ಮಿಶ್ರ ಡಬ್ಬಲ್ಸ್ ನಲ್ಲಿ ಭಾರತದ ಜೂನಿಯರ್ ತಂಡಕ್ಕೆ ಆಯ್ಕೆ ಪಡೆಯಲು ನಡೆಯಲಿರುವ ಪ್ರಕ್ರಿಯೆಯಲ್ಲಿ ಭಾಗವಹಿಸುವ ಅವಕಾಶವನ್ನು ಸಹ ಪಡೆದುಕೊಂಡಿದ್ದಾರೆ.
