ಇತ್ತೀಚಿನ ಸುದ್ದಿ
ನೀರಂಚಿನಲ್ಲಿ ನಿರಾಳ ಕ್ಷಣ: ‘ಬನ್ನಿ…ಗಾಳ ಹಾಕಲು ಹೋಗೋಣ’
28/08/2026, 19:12
ಮನೋಜ್ ಕೆ.ಬೆಂಗ್ರೆ, ಮಂಗಳೂರು
info.reporterkarnataka@gmail.com
ಇತ್ತೀಚಿನ ದಿನಗಳಲ್ಲಿ ಸಮುದ್ರ- ನದಿ ಪಾತ್ರದ ಪ್ರದೇಶಗಳಲ್ಲಿ “ಹವ್ಯಾಸಿ ಗಾಳಗಾರಿಕೆ” (Amateur Angling / Recreational Fishing) ಕೇವಲ ಒಂದು ಸಮಯ ಕಳೆಯುವ ಹವ್ಯಾಸವಾಗಿ ಉಳಿದಿಲ್ಲ, ಬದಲಿಗೆ ಅದೊಂದು ಹೊಸ ಟ್ರೆಂಡ್ ಆಗಿ ಬೆಳೆಯುತ್ತಿದೆ.
ವಾರಾಂತ್ಯ ಬಂತೆಂದರೆ ಸಾಕು, ವೃತ್ತಿಪರರು, ಯುವಜನರು, ಹಿರಿಯರು ಗಾಳದ ಕಿಟ್ ಹಿಡಿದು ನದಿ- ಸಮುದ್ರ ತೀರಗಳತ್ತ ಮುಖ ಮಾಡುತ್ತಿದ್ದಾರೆ.
*ಹವ್ಯಾಸಿ ಗಾಳಗಾರಿಕೆ ಹೆಚ್ಚಾಗಲು ಕಾರಣ ಒತ್ತಡ ಮುಕ್ತ ಜೀವನಶೈಲಿ*
ನಿತ್ಯದ ಕೆಲಸದ ಒತ್ತಡ, ತಂತ್ರಜ್ಞಾನದ ಅತಿಯಾದ ಬಳಕೆಯಿಂದ ದೂರ ಉಳಿದು, ಪ್ರಕೃತಿಯ ಮಡಿಲಲ್ಲಿ ಪ್ರಶಾಂತ ಕ್ಷಣಗಳನ್ನು ಕಳೆಯಲು ಅನೇಕರು ಗಾಳ ಹಾಕುವುದನ್ನು ಉತ್ತಮ ಮಾರ್ಗವಾಗಿ ಕಂಡುಕೊಳ್ಳುತ್ತಿದ್ದಾರೆ.
*ಆಧುನಿಕ ಗೇರ್ ಹಾಗೂ ತಂತ್ರಜ್ಞಾನ*
ಸಾಂಪ್ರದಾಯಿಕ ದಾರ-ಕೋಲುಗಳ ಬದಲಿಗೆ ಈಗ ಆಧುನಿಕ ಸ್ಪಿನ್ನಿಂಗ್ ರಾಡ್ಗಳು, ಲೈಟ್ವೇಟ್ ಲೈನ್ಗಳು ಮತ್ತು ವೈವಿಧ್ಯಮಯ ಆರ್ಟಿಫಿಷಿಯಲ್ ಲೂರ್ಗಳು (ಆಕರ್ಷಕ ಕೃತಕ ಆಮಿಷ) ಮಾರುಕಟ್ಟೆಯಲ್ಲಿ ಲಭ್ಯವಿರುವುದು ಯುವಜನತೆಯನ್ನು ಹೆಚ್ಚು ಆಕರ್ಷಿಸುತ್ತಿದೆ.
*ಸೋಷಿಯಲ್ ಮೀಡಿಯಾ ಪ್ರಭಾವ*
ಯೂಟ್ಯೂಬ್, ಇನ್ಸ್ಟಾಗ್ರಾಮ್ಗಳಲ್ಲಿ ಗಾಳ ಹಾಕಿ ದೊಡ್ಡ ಗಾತ್ರದ ಮೀನುಗಳನ್ನು ಹಿಡಿಯುವ ವೀಡಿಯೋಗಳು ಹಾಗೂ ಆಂಗ್ಲರ್ಸ್ ಗ್ರೂಪ್ಗಳು ವೈರಲ್ ಆಗುತ್ತಿರುವುದು ಹೊಸಬರಿಗೆ ಸ್ಫೂರ್ತಿಯಾಗಿದೆ. ಈ ಹವ್ಯಾಸ ಬೆಳೆದಂತೆಲ್ಲ ಫಿಶಿಂಗ್ ಗೇರ್ ಶಾಪ್ಗಳು, ಆನ್ಲೈನ್ ಆಂಗ್ಲಿಂಗ್ ಸ್ಟೋರ್ಗಳಿಗೆ ಬೇಡಿಕೆ ಹೆಚ್ಚಿದೆ.
*ಸವಾಲುಗಳು ಮತ್ತು ವಹಿಸಬೇಕಾದ ಎಚ್ಚರ*
ಸಮುದ್ರದ ಅಲೆಗಳ ಸೆಳೆತ ಹಾಗೂ ಕಲ್ಲಿನ ದಂಡೆಗಳ ಮೇಲೆ ಜಾರಿ ಬೀಳುವ ಅಪಾಯವಿರುವುದರಿಂದ ಸುರಕ್ಷತಾ ಕ್ರಮಗಳು (ಲೈಫ್ ಜಾಕೆಟ್) ಅತ್ಯಗತ್ಯ.
ನದಿ ತೀರಗಳಲ್ಲಿ ಪ್ಲಾಸ್ಟಿಕ್ ಹಾಗೂ ಗಾಳದ ದಾರಗಳನ್ನು ಎಸೆದು ಹೋಗುವುದರಿಂದ ಜಲಚರಗಳಿಗೆ ಹಾನಿಯಾಗುವ ಸಾಧ್ಯತೆ ಇದ್ದು, ‘ಕ್ಲೀನ್ ಆಂಗ್ಲಿಂಗ್’ ಜಾಗೃತಿ ಮೂಡಬೇಕಿದೆ.
ಪ್ರಕೃತಿಯೊಂದಿಗೆ ಬೆರೆಯುತ್ತಾ, ತಾಳ್ಮೆಯನ್ನು ಕಲಿಸುವ ಈ ಹವ್ಯಾಸಿ ಗಾಳಗಾರಿಕೆ ಮುಂಬರುವ ದಿನಗಳಲ್ಲಿ ಇನ್ನಷ್ಟು ದೊಡ್ಡ ಮಟ್ಟದ ರಿಕ್ರಿಯೇಷನಲ್ ಸ್ಪೋರ್ಟ್ ಆಗಿ ಬೆಳೆಯುವುದರಲ್ಲಿ ಸಂಶಯವಿಲ್ಲ.
