ಇತ್ತೀಚಿನ ಸುದ್ದಿ
ತಂಗಿಯ ತಲೆಗೆ ಸುತ್ತಿಗೆಯಿಂದ ಹೊಡೆದು ಕೊಲೆ: ಅಣ್ಣನಿಗೆ 4 ವರ್ಷ ಸಜೆ; 10 ಸಾವಿರ ದಂಡ
27/08/2026, 18:50
ಮಂಗಳೂರು(reporterkarnataka.com): ತಂಗಿಯ ತಲೆಗೆ ಸುತ್ತಿಗೆಯಿಂದ ಹೊಡೆದು ಕೊಲೆ ಮಾಡಿದ ಅಣ್ಣನಿಗೆ l2ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಲಯವ4 ವರ್ಷ ಸಜೆ ವಿಧಿಸಿ ತೀರ್ಪು ನೀಡಿದೆ.
ಆರೋಪಿ ಸ್ಯಾಮ್ಸನ್ ಪ್ರಾನ್ಸಿಸ್ ಕುಟಿನ್ಹಾ ಎಂಬವನು 2019, ಅಕ್ಟೋಬರ್ 8ರಂದು ಮಧ್ಯಾಹ್ನ 12-00 ಗಂಟೆಗೆ ತನ್ನ ವಾಸದ ಮನೆಯಾದ ಕಂಬಳಪದವು ಎಂಬಲ್ಲಿ ತನ್ನ ತಂಗಿ ಫಿಯೋನಾ ಸ್ವೀಡಲ್ ಕುಟಿನ್ಹಾ ಎಂಬವಳೊಂದಿಗೆ ಮೊಬೈಲ್ ನ್ನು ಉಪಯೋಗಿಸಲು ಕೊಡುವಂತೆ ಕೇಳಿದಾಗ ಮೊಬೈಲ್ ವಿಚಾರವಾಗಿ ಅವರೊಳಗೆ ಮಾತುಕತೆಯಾದ ಸಮಯಕ್ಕೆ ಕೋಪಗೊಂಡು ಆರೋಪಿಯು ಸುತ್ತಿಗೆಯಿಂದ ಆಕೆಯ ತಲೆಗೆ ಹಲ್ಲೆ ನಡೆಸಿ, ಆಕೆಯನ್ನು ಕೊಲೆ ಮಾಡಿ, ಆಕೆಯ ಮೃತದೇಹವನ್ನು ಮನೆಯ ಹಿಂಭಾಗದ ಪೊದೆಯಲ್ಲಿ ಬಚ್ಚಿಟ್ಟಿದ್ದ. ಮೃತ ಸ್ವೀಡಲ್ ಕುಟಿನ್ಹಾ ರವರ ತಂದೆ ಪ್ರಾನ್ಸಿಸ್ ಕುಟಿನ್ಹಾರವರು ಮಗಳು ಕಾಣೆಯಾಗಿರುವ ಬಗ್ಗೆ ದೂರು ಠಾಣೆಯಲ್ಲಿ ಮೊ.ನಂ 67/2019 ಕಲಂ 363 ಐಪಿಸಿಯಂತೆ ಪ್ರಕರಣ ದಾಖಲಿಸಿರುತ್ತಾರೆ. ನಂತರ ಈ ಪ್ರಕರಣವನ್ನು ಕಡತವನ್ನು ಎಸಿಪಿ ದಕ್ಷಿಣ, ಟಿ. ಕೋದಂಡ ರಾಮ್ ರವರು ತನಿಖೆ ನಡೆಸಿ ನ್ಯಾಯಾಲಯಕ್ಕೆ ಕಲಂ 302, 201 ಐಪಿಸಿ ಪ್ರಕಾರ ದಿನಾಂಕ 10-01-2020 ರಂದು ದೋಷಾರೋಪಣಾ ಪತ್ರವನ್ನು ಸಲ್ಲಿಸಿರುತ್ತಾರೆ. 2ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಲಯದಲ್ಲಿ ವಿಚಾರಣೆ ನಡೆದು ದಿನಾಂಕ 24-08-2026 ರಂದು ಆರೋಪಿ ಸ್ಯಾಮ್ಸನ್ ಪ್ರಾನ್ಸಿಸ್ ಕುಟಿನ್ಹಾಗೆ ಕಲಂ 304 (ii) ಐಪಿಸಿಗೆ 4 ವರ್ಷ ಸಜೆ ಮತ್ತು ರೂ 10,000/- ದಂಡ , ಕಲಂ 201 ಐಪಿಸಿ ಗೆ 1 ವರ್ಷ ಸಜೆ ಮತ್ತು ರೂ 1,000/- ದಂಡವನ್ನು ವಿಧಿಸಿರುತ್ತದೆ. ಅಭಿಯೋಜನ ಪರವಾಗಿ ಜ್ಯೋತಿ ಪ್ರಮೋದ ನಾಯಕ್ ಅವರು ವಾದಿಸಿದ್ದರು.
