ಇತ್ತೀಚಿನ ಸುದ್ದಿ
ಕೊಟ್ಟಿಗೆಹಾರ; ಸೇತುವೆಯ ತಡೆಗೋಡೆ ಏರಿದ ಕೆಎಸ್ಸಾರ್ಟಿಸಿ ಬಸ್: ತಪ್ಪಿದ ಭಾರೀ ಅನಾಹುತ
29/03/2022, 22:44
ಚಿಕ್ಕಮಗಳೂರು(reporterkarnataka.com): ಕೊಟ್ಟಿಗೆಹಾರ ಸುಂಕಸಾಲೆ ಸಮೀಪ ಕೆಎಸ್ಸಾರ್ಟಿಸಿ ಬಸ್ಸೊಂದು ಚಾಲಕನ ನಿಯಂತ್ರಣ ತಪ್ಪಿ ಸೇತುವೆ ತಡೆ ಕಂಬಿಯಲ್ಲಿ ಸಿಲುಕಿಕೊಂಡ ಘಟನೆ ಇಂದು ಸಂಜೆ ನಡೆದಿದೆ.
ಬಸ್ ಹೊರನಾಡಿನಿಂದ ಬೆಂಗಳೂರಿಗೆ ಹೋಗುತ್ತಿತ್ತು. ಬಸ್ಸಿನಲ್ಲಿ 50 ಜನ ಪ್ರಯಾಣಿಕರು ಪ್ರಯಾಣಿಸುತ್ತಿದ್ದರು. ಕೂದಲೆಳೆ ಅಂತರದಲ್ಲಿ ಪಾರಾದ ಪ್ರಯಾಣಿಕರು ಬಸ್ಸು ಸೇತುವೆಯ ತಡೆಗೋಡೆಗೆ ಬಡಿದು ನಿಂತಿದ್ದರಿಂದ ಕಂದಕಕ್ಕೆ ಬಸ್ ಬೀಳುವುದು ತಪ್ಪಿದೆ. ಕಂದಕ ತುಂಬಾ ಆಳವಾಗಿದ್ದು ಕಂದಕಕ್ಕೆ ಬಿದ್ದಿದ್ದರೆ, ದೊಡ್ಡ ಅನಾಹುತ ಸಂಭವಿಸುತ್ತಿತ್ತು.ಚಾಲಕನ ಸಮಯ ಪ್ರಜ್ಞೆಯಿಂದ ದೊಡ್ಡ ಅನಾಹುತ ತಪ್ಪಿದಂತಾಗಿದೆ.
