ಇತ್ತೀಚಿನ ಸುದ್ದಿ
ಮಳೆ ಎಫೆಕ್ಟ್ | ಮಂಜಿನ ನಗರಿ ಮಡಿಕೇರಿಯಲ್ಲಿ ಅತ್ಯಂತ ಶುದ್ಧ ಗಾಳಿ ದಾಖಲು
21/08/2026, 16:08
ಗಿರಿಧರ್ ಕೊಂಪುಳಿರ ಮಡಿಕೇರಿ
info.reporterkarnataka@gmail.com
ಮಳೆಯ ವಾತಾವರಣದಿಂದಾಗಿ ಇಂದು ಮಂಜಿನ ನಗರಿ ಮಡಿಕೇರಿಯಲ್ಲಿ ಅತ್ಯಂತ ಶುದ್ಧಗಾಳಿ ದಾಖಲಾಗಿದೆ.
ಮಡಿಕೇರಿಯೊಂದಿಗೆ ಚಿಕ್ಕಬಳ್ಳಾಪುರದಲ್ಲಿ AQI (ವಾಯು ಗುಣಮಟ್ಟ ಸೂಚ್ಯಂಕ) 20ಕ್ಕಿಂತಲೂ ಕಡಿಮೆಯಿದ್ದು, ಅತ್ಯಂತ ಶುದ್ಧ ಗಾಳಿ ಬೀಸುತ್ತಿದೆ.
ರಾಜಧಾನಿ ಬೆಂಗಳೂರು ಸೇರಿದಂತೆ ರಾಜ್ಯದ ಪ್ರಮುಖ ನಗರಗಳಲ್ಲಿ ಗಾಳಿಯ ಮಾಲಿನ್ಯ ಕಡಿಮೆಯಾಗಿದೆ.
ಬೆಂಗಳೂರು ಸೇರಿದಂತೆ ಕರ್ನಾಟಕದ ಪ್ರಮುಖ ನಗರಗಳಲ್ಲಿ ಇಂದಿನ ವಾಯು ಗುಣಮಟ್ಟ ಸೂಚ್ಯಂಕ (AQI) ಸಹಜ ಹಾಗೂ ‘ಮಧ್ಯಮ’ (Moderate) ಮಟ್ಟದಲ್ಲಿ ದಾಖಲಾಗಿದೆ. ಮುಂಗಾರು ಮಳೆಯ ವಾತಾವರಣ ಇರುವ ಕಾರಣದಿಂದಾಗಿ ಧೂಳಿನ ಪ್ರಮಾಣ ಕಡಿಮೆಯಾಗಿದ್ದು, ರಾಜ್ಯದ ಬಹುತೇಕ ಭಾಗಗಳಲ್ಲಿ ಗಾಳಿಯ ಗುಣಮಟ್ಟ ಸುಧಾರಿಸಿದೆ.
ಬೆಂಗಳೂರಿನಲ್ಲಿ ಸರಾಸರಿ AQI 62 ರಿಂದ 65ರ ನಡುವೆ ದಾಖಲಾಗಿದ್ದು, ಇದು ‘ಮಧ್ಯಮ’ ಶ್ರೇಣಿಗೆ ಒಳಪಡುತ್ತದೆ. ನಗರದ ಬಿಟಿಎಂ ಲೇಔಟ್, ಬಸವನಗುಡಿ, ಹಾಗೂ ಬಾನಸವಾಡಿ ಭಾಗಗಳಲ್ಲಿ AQI 58 ರಿಂದ 69 ರಷ್ಟು ವರದಿಯಾಗಿದೆ. ಗಾಳಿಯಲ್ಲಿ ಮುಖ್ಯವಾಗಿ PM₂.₅ ಮತ್ತು PM₁₀ ಕಣಗಳ ಪ್ರಮಾಣ ಕಂಡುಬಂದಿದ್ದು, ಪ್ರಮುಖ ವಾಹನ ದಟ್ಟಣೆ ಇರುವ ಪ್ರದೇಶಗಳನ್ನು ಹೊರತುಪಡಿಸಿ ಉಳಿದೆಡೆ ಸ್ವಚ್ಛ ವಾತಾವರಣವಿದೆ.
ಬೆಳಗಾವಿಯಲ್ಲಿಯೂ ವಾಯು ಗುಣಮಟ್ಟ ಉತ್ತಮ ಮಟ್ಟದಲ್ಲಿದೆ ಬಳ್ಳಾರಿ, ಬೀದರ್, ಭಾಗಲಕೋಟೆ: ಈ ಶೈಕ್ಷಣಿಕ ಹಾಗೂ ಕೈಗಾರಿಕಾ ನಗರಗಳಲ್ಲಿ AQI 50 ರಿಂದ 80 ರಷ್ಟಿದ್ದು ‘ಮಧ್ಯಮ’ ಸ್ಥಿತಿಯಲ್ಲಿದೆ.
ಸಾಮಾನ್ಯವಾಗಿ AQI 0-50 ಇದ್ದರೆ ‘ಉತ್ತಮ’ ಹಾಗೂ 51-100 ಇದ್ದರೆ ‘ಮಧ್ಯಮ’ ಎಂದು ಪರಿಗಣಿಸಲಾಗುತ್ತದೆ.
