ಇತ್ತೀಚಿನ ಸುದ್ದಿ
ಹೂಗಳ ನಡುವೆ ಹಾರುವ ಪುಟ್ಟ ಸೂರಕ್ಕಿ! ಚಿಲಿಪಿಲಿ ಧ್ವನಿಯ ಈ ಮುದ್ದು ಹಕ್ಕಿಯ ಬದುಕು, ಗೂಡು ಕಟ್ಟುವ ಕೌಶಲ್ಯ ಮತ್ತು ಪರಿಸರಕ್ಕೆ ನೀಡುವ ಕೊಡುಗೆ ಎಷ್ಟೊಂದು ವಿಶೇಷ ಗೊತ್ತೇ ?
08/08/2026, 12:28
ಸೂರಕ್ಕಿ (ಹೂ ಗುಬ್ಬಿ /Sun Bird)
ನಮ್ಮ ಸುತ್ತ ಮುತ್ತಲೂ ಕಾಣಸಿಗುವ ಪುಟ್ಟದಾದ ಹಕ್ಕಿ ಸೂರಕ್ಕಿ.
ಹೂಗಳ ಸುತ್ತಲೂ ಹಾರಾಡುತ್ತಾ ಕಾಣಸಿಗುವ ಇವುಗಳು 8ರಿಂದ 15ಸೆ.ಮೀ ನಷ್ಟು ಉದ್ದ ಹಾಗೂ 5 ರಿಂದ 20 ಗ್ರಾಂ ತೂಕ ಹೊಂದಿರುತ್ತದೆ.ಆಕರ್ಷಕವಾದ ನೀಲಿ,ನೇರಳೆ,ಹಸುರು ಮಿಶ್ರಿತ ಹೊಳೆಯುವ ಗರಿಗಳನ್ನು ಹೊಂದಿರುತ್ತದೆ. ಇವುಗಳ ಕೊಕ್ಕು ತುಸು ಉದ್ದವಾಗಿದ್ದು, ಕೆಳಮುಖವಾಗಿ ಬಾಗಿರುತ್ತದೆ. ಇದು ಹೂವಿನ ಮಕರಂದವನ್ನು ಹೀರಲು ಅನುಕೂಲವಾಗಿದೆ.
ದೇಹವು ಹಗುರವಾಗಿದ್ದು, ತುಸು ವೇಗವಾಗಿ ಹಾರುವ ಈ ಹಕ್ಕಿಗಳು ಸಣ್ಣ ಕೀಟಗಳನ್ನೂ ಹಾಗೂ ಜೇಡಗಳನ್ನು ಸೇವಿಸುತ್ತದೆ. ಸೂರಕ್ಕಿಗಳು ಸಾಮಾನ್ಯವಾಗಿ ಹೂವಿನ ತೋಟಗಳಲ್ಲಿ, ಕೃಷಿ ಭೂಮಿಗಳಲ್ಲಿ ಜೋಡಿಯಾಗಿ ಕಂಡು ಬರುತ್ತದೆ. ಇವುಗಳ ಮೃದುವಾದ ಚಿಲಿಪಿಲಿ ಸದ್ದನ್ನು ಆಲಿಸುವುದೇ ಹಿತಾನುಭವ.
ಗಂಡು ಹಕ್ಕಿಗಳು ಸಾಮಾನ್ಯವಾಗಿ ಹೆಣ್ಣು ಹಕ್ಕಿಗಳಿಗಿಂತ ತುಸು ಗಾಢವಾದ ವರ್ಣಮಯ ಬಣ್ಣವನ್ನು ಹೊಂದಿರುತ್ತದೆ. ಈ ಹಕ್ಕಿಯ ಗೂಡುಗಳು ವಿಶಿಷ್ಟವಾಗಿದ್ದು, ಸಣ್ಣ ಗಿಡದ ರೆಂಬೆಗಳಲ್ಲಿ, ಚೀಲದ ಆಕಾರದಲ್ಲಿ ತೂಗಾಡುತ್ತಿರುತ್ತದೆ.ಈ ಗೂಡನ್ನು ಜೇಡದ ಬಲೆ, ಒಣಗಿದ ಎಲೆ ಕಡ್ಡಿಗಳನ್ನು ಬಳಸಿ ಹೆಣ್ಣು ಹಕ್ಕಿ ಕಟ್ಟಿಕೊಳ್ಳುತ್ತದೆ. ಈ ಗೂಡಿನ ಹೊರ ಭಾಗಕ್ಕೆ ತ್ಯಾಜ್ಯ ವಸ್ತುಗಳನ್ನು ಅಂಟಿಸಿ ಇತರ ಪ್ರಾಣಿ ಪಕ್ಷಿಗಳು ಗಮನಿಸದಂತೆ ಜಾಗ್ರತೆ ವಹಿಸುತ್ತದೆ. 2 ರಿಂದ 4 ಮೊಟ್ಟೆಗಳನ್ನು ಇಟ್ಟು ಮರಿ ಮಾಡುತ್ತದೆ. ಮರಿಗಳ ಪೋಷಣೆಯಲ್ಲಿ ಗಂಡುಹಕ್ಕಿ ಕೂಡ ಜೊತೆಯಾಗಿ ಜವಾಬ್ದಾರಿಯನ್ನು ನಿರ್ವಹಿಸುತ್ತದೆ. 2 ರಿಂದ 3ವಾರಗಳ ತರುವಾಯ ಮರಿಗಳು ಸ್ವತಂತ್ರವಾಗಿ ಬದುಕಲು ಸಾಧ್ಯವಾಗುತ್ತದೆ.
ಸೂರಕ್ಕಿಗಳು ಸಸ್ಯಗಳ ಪರಾಗ ಸ್ಪರ್ಶದ ಕ್ರಿಯೆಯ ಮೂಲಕ ಸಸ್ಯ ಸಂಕುಲ ಜೀವ ವೈವಿದ್ಯತೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಪರಿಸರ ನಾಶದಂತಹ ವಿಕೋಪಗಳು ಸೂರಕ್ಕಿಗಳ ಸಂತತಿಯನ್ನು ಗಣನೀಯವಾಗಿ ವಿನಾಶದ ಅಂಚಿನಲ್ಲಿದೆ.
