ಇತ್ತೀಚಿನ ಸುದ್ದಿ
ನೀರಿನೊಳಗೆ ನುಗ್ಗಿ ವೇಗವಾಗಿ ಮೀನಿನೊಂದಿಗೆ ಹೊರಬರುವ ಮಿಂಚುಳ್ಳಿ!!: ನಂಬಿದ್ರೆ ನಂಬಿ, ಬಿಟ್ರೆ ಬಿಡಿ ಇದು ಏಕಪತ್ನಿತ್ವ ಪಾಲಕ!!!
01/08/2026, 11:43
ಮಿಂಚುಳ್ಳಿ(Kingfisher)
ಮಿಂಚುಳ್ಳಿಗಳಲ್ಲಿ ಮದ್ಯಮ ಗಾತ್ರದ ಗಾಢವಾದ ನೀಲಿ ಹಾಗೂ ಕೇಸರಿ ಬಣ್ಣದ ಪುಕ್ಕಗಳನ್ನು ಹೊಂದಿರುವ ಸುಂದರವಾದ ಪಕ್ಷಿ. ಇವುಗಳು ಹೆಚ್ಚಾಗಿ ಶಾಂತವಾದ ಕೊಳಗಳು ಹಾಗೂ ನದಿಗಳ ಹತ್ತಿರ ಮರದ ಮೇಲೆ ಒಂಟಿಯಾಗಿ ಕಾಣಸಿಗುತ್ತದೆ. ಮಿಂಚುಳ್ಳಿಗಳ ತಲೆ ಸ್ವಲ್ಪ ದೊಡ್ಡ ಗಾತ್ರವಾಗಿದ್ದು, ಉದ್ದವಾದ ಚೂಪಾದ ಕೊಕ್ಕು ಸಣ್ಣ ಕಾಲುಗಳು ಹಾಗೂ ಚಿಕ್ಕದಾದ ಬಾಲವನ್ನು ಹೊಂದಿರುತ್ತದೆ. ದೂರದರ್ಶಕ ದ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕಣ್ಣುಗಳು ನೀರಿನಲ್ಲಿ ಓಡಾಡುವ ಮೀನುಗಳನ್ನು ಬೇಟೆಯಾಡಲು ತುಂಬಾ ಸಹಕಾರಿ. ಸರಕ್ಕನೆ ನೀರಿನೊಳಗೆ ನುಗ್ಗಿ ವೇಗವಾಗಿ ಮೀನಿನೊಂದಿಗೆ ಹೊರಬರುವ ಮಿಂಚುಳ್ಳಿಗಳು ಬೇಟೆಯಾಡಿದ ಮೀನನ್ನು ತಿನ್ನುವ ರೀತಿ ಬಲು ಆಕರ್ಷಣಿಯ ಮೀನನ್ನು ಗಾಳಿಯಲ್ಲಿ ಎಸೆದು ಮತ್ತೆ ಕೊಕ್ಕಿನಲ್ಲಿ ಹಿಡಿದು ನುಂಗುತ್ತದೆ.
ಮಿಂಚುಳ್ಳಿಗಳು ಹೆಚ್ಚಾಗಿ ಏಕ ಪತ್ನಿತ್ವವನ್ನು ಪಾಲಿಸುತ್ತದೆ. ಇವುಗಳ ಗೂಡುಗಳು ಸಾಮಾನ್ಯವಾಗಿ ನದಿ, ಸರೋವರ, ಕೆರೆಗಳ ಪಕ್ಕದಲ್ಲಿ ಸುರಂಗ ತೋಡಿ ಕೊನೆಯಲ್ಲಿ ಪುಟ್ಟದಾದ ಕೋಣೆ ನಿರ್ಮಿಸಿ 3ರಿಂದ 6 ಮೊಟ್ಟೆಗಳನ್ನು ಇಡುತ್ತದೆ. ಉದ್ದವಾದ ಕೊಕ್ಕು ಹಾಗೂ ಕಾಲುಗಳು ಸುರಂಗ ತೊಡಲು ಸಹಕಾರಿಯಾಗಿದೆ. ಗಂಡು ಹೆಣ್ಣುಗಳು ಕೆಲಸಗಳನ್ನು ಸಮಾನಾಗಿ ಹಂಚಿಕೊಂಡು 3ರಿಂದ 4 ತಿಂಗಳು ಮರಿಗಳನ್ನು ಸಾಕುತ್ತದೆ.
Kingfisher nest
ಮಿಂಚುಳ್ಳಿಗಳಲ್ಲಿ ಅನೇಕ ಪ್ರಭೇದಗಳಿದ್ದು, ಅನೇಕ ಬಣ್ಣಗಳಲ್ಲಿ ಕಾಣಸಿಗುತ್ತದೆ. ಇದರ ಕೂಗು ಶಿಳ್ಳೆಯಂತೆ ಕೇಳಿಸುವುದರಿಂದ ಇವುಗಳ ಇರುವಿಕೆಯನ್ನು ಪತ್ತೆ ಮಾಡಬಹುದು. ಸಾಮಾನ್ಯವಾಗಿ ಹಸುರ ನೀಲಿಬಣ್ಣಗಳಲ್ಲಿ ಕಾಣ ಸಿಗುವ ಮಿಂಚುಳ್ಳಿಗಳು, ಕಪ್ಪು ಬಿಳಿ ಬಣ್ಣಗಳಲ್ಲಿ ಕಂಡು ಬರುತ್ತದೆ. ಜಲಮಾಲಿನ್ಯ, ಅರಣ್ಯಗಳ ನಾಶದಿಂದಾಗಿ ಇವುಗಳ ಸಂತತಿ ಗಣನೀಯವಾಗಿ ಕಡಿಮೆಯಾಗುತ್ತಿದೆ. ಮಿಂಚುಳ್ಳಿ ಪಶ್ಚಿಮ ಬಂಗಾಳದ ರಾಜ್ಯ ಪಕ್ಷಿಯಾಗಿದೆ.
