ಇತ್ತೀಚಿನ ಸುದ್ದಿ
ಚಿಕ್ಕಮಗಳೂರು | ಕಾಡಿನೊಳಗೂ ಕಳ್ಳರ ಕೈಚಳಕ: ಮುತ್ತೋಡಿ ಅರಣ್ಯ ವಲಯದಲ್ಲಿದ್ದ ಕ್ಯಾಮೆರಾ ಹೊತ್ತೊಯ್ದ ಚೋರರು!
09/05/2026, 18:32
ಸಂತೋಷ್ ಅತ್ತಿಗೆರೆ ಚಿಕ್ಕಮಗಳೂರು
info.reporterkarnataka@gmail.com
ನಾಡು ಮುಗೀತು…ಈಗ ಕಾಡಲ್ಲೂ ಸ್ಟಾರ್ಟ್ ಆಯ್ತು ಕಳ್ಳರ ಕಾಟ. ಚಿಕ್ಕಮಗಳೂರು ತಾಲೂಕಿನ ಕೆಸವಿನಮನೆ ಡೀಮ್ಡ್ ಫಾರೆಸ್ಟ್ನಲ್ಲಿ ಹುಲಿಗಳ ಚಲನವಲನ ಹಾಗೂ ಗಣತಿಗೆ ಅಳವಡಿಸಿದ ಸುಮಾರು 40 ಸಾವಿರ ಮೌಲ್ಯದ ಕ್ಯಾಮೆರಾ ಕಳ್ಳತನ ಮಾಡಲಾಗಿದೆ.
ಮುತ್ತೋಡಿ ಅರಣ್ಯ ವಲಯದಲ್ಲಿ ಅರಣ್ಯ ಇಲಾಖೆಗೆ ಕಳ್ಳರು ಈ ಮೂಲಕ ಶಾಕ್ ನೀಡಿದ್ದಾರೆ.
ಭದ್ರಾ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಕ್ಯಾಮರಾಕ್ಕೆ ಕಳ್ಳರು ಕೈಹಾಕಿ ಕೈಚಳಕ ತೋರಿಸಿದ್ದಾರೆ. ಅಭಯಾರಣ್ಯಕ್ಕೆ ಎಂಟ್ರಿಯಾಗಲು ಅನುಮತಿ ಕಡ್ಡಾಯ ಜಾಗದಲ್ಲಿದ್ದ ಕ್ಯಾಮರಾ ಅಳವಡಿಸಲಾಗಿತ್ತು. ಮುತ್ತೋಡಿ ಅರಣ್ಯ ವಲಯದಲ್ಲಿ ಹುಲಿ ಗಣತಿಗಾಗಿ ಕ್ಯಾಮೆರಾ ಹಾಕಲಾಗಿತ್ತು. ಅರಣ್ಯ ಇಲಾಖೆ ಅಳವಡಿಸಿದ್ದ ಕ್ಯಾಮೆರಾಗಳನ್ನೇ ಟ್ರ್ಯಾಪ್ ಮಾಡಲಾಗಿದೆ.
ಹುಲಿ ಗಣತಿ ಕಾರ್ಯಾಚರಣೆಗೆ ಅಳವಡಿಸಿದ್ದ 2 ಕ್ಯಾಮೆರಾಗಳು ಕೂಡ ನಾಪತ್ತೆಯಾಗಿದೆ.
ಮೇ 4ರವರೆಗೆ ಕಾರ್ಯನಿರ್ವಹಿಸುತ್ತಿದ್ದ ಕ್ಯಾಮೆರಾಗಳು ಮೇ 5 ರಿಂದ ನಾಪತ್ತೆಯಾಗಿದೆ. ಉಪವಲಯ ಅರಣ್ಯಾಧಿಕಾರಿ ಯಾಸೀನ್ ಬಾಷಾ ದೂರು ನೀಡಿದ್ದಾರೆ. ಅರಣ್ಯ ಪಾಲಕ ನಂದೀಶ್ ಜೊತೆ ಗಸ್ತಿನ ವೇಳೆ ಕಳ್ಳತನ ಬೆಳಕಿಗೆ ಬಂದಿದೆ.
ಕಳುವಾದ ಎರಡು ಕ್ಯಾಮೆರಾಗಳ ಒಟ್ಟು ಮೌಲ್ಯ ₹40 ಸಾವಿರ ಎಂದು ಅಂದಾಜಿಸಲಾಗಿದೆ.
ಮಲ್ಲಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕ್ಯಾಮರಾ ಕಳ್ಳತನ ಅರಣ್ಯ ಪ್ರದೇಶದಲ್ಲಿನ ಭದ್ರತೆ ಬಗ್ಗೆ ಪ್ರಶ್ನೆ ಮೂಡಿಸಿದೆ. ಕ್ಯಾಮೆರಾ ಕಳ್ಳತನ ಬೆನ್ನಲ್ಲೇ ಕಾಡು ಪ್ರಾಣಿಗಳ ಸುರಕ್ಷತೆಯ ಬಗ್ಗೆ ಸಂಶಯ ಎದ್ದಿದೆ.
