ಇತ್ತೀಚಿನ ಸುದ್ದಿ
ಸಂಕೋನಟ್ಟಿ ಕ್ರಾಸ್ ಬಳಿ ನಿಲ್ಲದ ಸರಕಾರಿ ಬಸ್: ಜತ್ತ ಜಾಂಬೋಟಿ ರಾಜ್ಯ ಹೆದ್ದಾರಿ ಬಂದ್ ಮಾಡಿವಿದ್ಯಾರ್ಥಿಗಳ ಪ್ರತಿಭಟನೆ
30/11/2021, 15:34
ರಾಹುಲ್ ಅಥಣಿ ಬೆಳಗಾವಿ
info.reporterkarnataka@gmail.com
ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ಸಂಕೋನಟ್ಟಿ ಗ್ರಾಮ ಹಾಗೂ ಸುತ್ತಮುತ್ತಲಿನ ವಿದ್ಯಾರ್ಥಿಗಳು ಸಂಕೋನಟ್ಟಿ ಕ್ರಾಸ್ ಬಳಿ ಸರ್ಕಾರಿ ಬಸ್ ಗಳನ್ನು ನಿಲ್ಲಿಸುತ್ತಿಲ್ಲವೆಂದು ಜತ್ತ ಜಾಂಬೋಟಿ ರಾಜ್ಯ ಹೆದ್ದಾರಿ ಬಂದ್ ಮಾಡಿ, ಪ್ರತಿಭಟನೆ ನಡೆಸಿದರು.
ಸಂಕೋನಟ್ಟಿ ಗ್ರಾಮದ ಸುತ್ತ ಮುತ್ತಲಿನ ಗ್ರಾಮದ ಹಾಗೂ ತೋಟದ ಮನೆ ವಿದ್ಯಾರ್ಥಿಗಳಿಗೆ ಸರಿಯಾದ ಸಮಯಕ್ಕೆ ಕಾಲೇಜಿಗೆ ಹೋಗಲು ಆಗುತ್ತಿಲ್ಲ, ಈ ರಸ್ತೆ ಮಾರ್ಗವಾಗಿ ಹೋಗುವ ರಾಯಭಾಗ, ಗೋಕಾಕ ಡಿಪೋ ಸೇರಿದಂತೆ ಹಲವು ಬಸ್ಸುಗಳು ನಿಲ್ಲದೇ ಚಲಿಸುತ್ತವೆ. ಹಾಗಾಗಿ ಶಾಲಾ, ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಸಾಕಷ್ಟು ತೊಂದರೆ ಆಗುತ್ತಿದೆ ಆದರಿಂದ ಆದಷ್ಟು ಬೇಗ ಅಥಣಿ ಸಾರಿಗೆ ಘಟಕವು ಈ ಸಮಸ್ಯೇಯನ್ನು ಬಗೆಹರಿಸಿ, ವಿದ್ಯಾರ್ಥಿಗಳಿಗೆ ಅನುಕೂಲ ಮಾಡಲು ತಿಳಿಸಲಾಗಿದೆ.
