ಇತ್ತೀಚಿನ ಸುದ್ದಿ
ಪಾಲ್ದನೆ ಚರ್ಚ್ ಐ.ಸಿ.ವೈ.ಎಂ. ಘಟಕಕ್ಕೆ ಗೊನ್ಝಾಲೊ ಗ್ರಾಸಿಯಾ ಮತ್ತು ಅತ್ಯುತ್ತಮ ಪಿ.ಆರ್. ಪ್ರಶಸ್ತಿ
15/06/2026, 17:17
ಮಂಗಳೂರು(reporterkarnataka.com): ಮಂಗಳೂರಿನ ಪಾಲ್ದನೆ ಸಂತ ತೆರೆಸಾ ಚರ್ಚ್ ನ ಐ.ಸಿ.ವೈ.ಎಂ. ಘಟಕವು ತನ್ನ ಚಟುವಟಿಕೆಗಳಿಗಾಗಿ ಮಂಗಳೂರು ಧರ್ಮ ಪ್ರಾಂತ್ಯದ ಸೈಂಟ್ ಪೀಟರ್ ಸಿಟಿ ಡೀನರಿಯಿಂದ ಗೊನ್ಝಾಲೊ ಗ್ರಾಸಿಯಾ ಪ್ರಶಸ್ತಿ ಮತ್ತು ಅತ್ಯುತ್ತಮ ಪಿ.ಆರ್. ಪ್ರಶಸ್ತಿಯನ್ನು ಪಡೆದುಕೊಂಡಿದೆ.
ಪಾಲ್ದನೆ ಚರ್ಚ್ ನ ಐ. ಸಿ. ವೈ. ಎಂ. ಘಟಕದ ನಿಕಟ ಪೂರ್ವ ಅಧ್ಯಕ್ಷರಾಗಿದ್ದ ವಿನಿಶಾ ಬ್ರಾಗ್ಸ್ ಅಧ್ಯಕ್ಷತೆಯ ತಂಡವು ಸೈಂಟ್ ಪೀಟರ್ ಸಿಟಿ ವಲಯ ವ್ಯಾಪ್ತಿಯಲ್ಲಿ ಅತ್ಯಧಿಕ ಕಾರ್ಯ ಚಟುವಟಿಕೆಗಳನ್ನು ಕೈಗೆತ್ತಿಕೊಂಡು ನಡೆಸಿದ್ದಕ್ಕಾಗಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ.
ಸೈಂಟ್ ಪೀಟರ್ ಪಿನಾಕಲ್ ಪ್ರಶಸ್ತಿ ಪಡೆದ ಐ.ಸಿ.ವೈ.ಎಂ. ಘಟಕವನ್ನು ಪಾಲ್ದನೆ ಚರ್ಚ್ ನ ಪ್ರಧಾನ ಧರ್ಮಗುರು ವಂದನೀಯ ಫಾ. ರಿಚಾರ್ಡ್ ಅಲೋಶಿಯಸ್ ಕುವೆಲ್ಲೊ ಅವರು ಅಭಿನಂದಿಸಿದ್ದಾರೆ. ಚರ್ಚ್ ಉಪಾಧ್ಯಕ್ಷ ಎಲಿಯಾಸ್ ಫೆರ್ನಾಂಡಿಸ್, ಕಾರ್ಯದರ್ಶಿ ರೋಷನ್ ಮೊಂತೇರೊ, ಸರ್ವ ಆಯೋಗಗಳ ಸಂಯೋಜಕ ವಿಲಿಯಂ ಲೋಬೊ ಮತ್ತು ಇತರ ಪದಾಧಿಕಾರಿಗಳು ಐ.ಸಿ.ವೈ.ಎಂ. ಘಟಕದ ಸಾಧನೆ ಬಗ್ಗೆ ಪ್ರಶಂಸೆ ವ್ಯಕ್ತ ಪಡಿಸಿ ಅಭಿನಂದಿಸಿದ್ದಾರೆ.
