ಇತ್ತೀಚಿನ ಸುದ್ದಿ
ಜ್ಯುವೆಲ್ಸ್ ಆಫ್ ಇಂಡಿಯಾ 25ನೇ ಆವೃತ್ತಿಯ ಅಧಿಕೃತ ಘೋಷಣೆ: ರಾಯಭಾರಿ ತಮನ್ನಾ ಭಾಟಿಯಾ ಉಪಸ್ಥಿತಿ
26/10/2023, 20:32
ಆಭರಣ ಪ್ರದರ್ಶನವು ಬೆಂಗಳೂರಿನ ಸೆಂಟ್ ಜೋಸೆಫ್ಸ್ ಶಾಲಾ ಮೈದಾನದಲ್ಲಿ ಅಕ್ಟೋಬರ್ 27ರಿಂದ 30, 2023 ರವರೆಗೆ ನಡಿಯಲಿದೆ.
ಬೆಂಗಳೂರು(reporterkarnataka.com): ಭಾರತದ ಅತಿ ದೊಡ್ಡ ಆಭರಣ ಪ್ರದರ್ಶನ ಜ್ಯುವೆಲ್ಸ್ ಆಫ್ ಇಂಡಿಯಾ, ಇಂದು ಜೆಡಬ್ಲ್ಯೂ ಮ್ಯಾರಿಯೆಟ್‍ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ 4 ದಿನಗಳ ಜ್ಯೂವೆಲರಿ ಪ್ರದರ್ಶನದ ದಿನಾಂಕಗಳನ್ನು ಘೋಷಿಸಿತು. ಜ್ಯುವೆಲ್ಸ್ ಆಫ್ ಇಂಡಿಯಾದ 25ನೇ ವಾರ್ಷಿಕೋತ್ಸವದ ಆವೃತ್ತಿಯ ಹಿರಿಮೆಯು ಖ್ಯಾತ ನಟಿ ತಮನ್ನಾ ಭಾಟಿಯಾ ಅವರ ಉಪಸ್ಥಿತಿಯಿಂದ ಮತ್ತಷ್ಟು ರಂಗು ಪಡೆದಿತ್ತು.
ತಮನ್ನಾ ಅವರು ಸಂಜೆ ನಡೆಯಲಿರುವ ಫ್ಯಾಷನ್ ಶೋನಲ್ಲಿ ಭಾಗವಹಿಸಲಿದ್ದಾರೆ. ಅಲ್ಲಿ ಅವರು ಕಾರ್ಯಕ್ರಮದ ಮುಖ್ಯ ಪ್ರಾಯೋಜಕರಾದ ಜ್ಯುವೆಲ್ಸ್ ಆಫ್ ಇಂಡಿಯಾವನ್ನು ಪ್ರತಿನಿಧಿಸುವ ಶೋಸ್ಟಾಪರ್ ಆಗಿ ರ್ಯಾಂಪ್ ವಾಕ್ ಮಾಡಲಿದ್ದಾರೆ ಮತ್ತು ಅವರು ಜ್ಯುವೆಲ್ಸ್ ಆಫ್ ಇಂಡಿಯಾವನ್ನು ಅಕ್ಟೋಬರ್ 27 ರಂದು ಶುಕ್ರವಾರ ಪ್ರದರ್ಶನ ಸ್ಥಳದಲ್ಲಿ ಅಧಿಕೃತವಾಗಿ ಉದ್ಘಾಟಿಸಲಿದ್ದಾರೆ. ಎಲ್ಲಾ ಸಾರ್ವಜನಿಕರಿಗೆ ಮುಕ್ತ ಸ್ವಾಗತ ಇರಲಿದೆ.
ಆಭರಣ ಪ್ರದರ್ಶನವನ್ನು ಬೆಂಗಳೂರಿನ ಸೇಂಟ್ ಜೋಸೆಫ್ಸ್ ಶಾಲಾ ಮೈದಾನದಲ್ಲಿ ಅಕ್ಟೋಬರ್ 27 ರಿಂದ 30, 2023ರವರೆಗೆ ನಡೆಸಲು ನಿರ್ಧರಿಸಲಾಗಿದೆ. 25 ವರ್ಷಗಳ ಸುವರ್ಣ ಪರಂಪರೆಯನ್ನು ಆಚರಿಸುತ್ತಿರುವ ಜ್ಯುವೆಲ್ಸ್ ಆಫ್ ಇಂಡಿಯಾ ರಾಷ್ಟ್ರದ 100+ ಅತ್ಯುತ್ತಮ ಆಭರಣಗಳನ್ನು ಒಂದೇ ಭವ್ಯವಾದ ಛಾವಣಿಯಡಿಯಲ್ಲಿ ತಂದಿದೆ ಮತ್ತು ಕಾರ್ಯಕ್ರಮದಲ್ಲಿ ಅದ್ಭುತವಾದ ಪಾಲ್ಗೊಳ್ಳುವಿಕೆಯನ್ನು ಎದುರು ನೋಡುತ್ತಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ತಮನ್ನಾ ಭಾಟಿಯಾ, ಜ್ಯುವೆಲ್ಸ್ ಆಫ್ ಇಂಡಿಯಾವು ಎರಡು ದಶಕಕ್ಕೂ ಹೆಚ್ಚು ಕಾಲ ಆಭರಣ ಪ್ರಿಯರಿಗೆ ಹಚ್ಚು ಮೆಚ್ಚಿನ ಕಾರ್ಯಕ್ರಮವಾಗಿದೆ. ಈ ಪರಂಪರೆಯನ್ನು ಪ್ರತಿನಿಧಿಸಲು ಬ್ರಾಂಡ್ ಅಂಬಾಸಿಡರ್ ಆಗಿರುವುದು ನನ್ನಂತಹ ಆಭರಣ ಪ್ರಿಯರಿಗೆ ವಿಶೇಷವಾಗಿದೆ. ಜ್ಯುವೆಲ್ಸ್ ಆಫ್ ಇಂಡಿಯಾದಲ್ಲಿ ಭಾಗವಹಿಸುವ ಎಲ್ಲಾ ಬ್ರ್ಯಾಂಡ್‍ಗಳಿಗೆ ಅದ್ಭುತ ಯಶಸ್ಸನ್ನು ಬಯಸುತ್ತೇನೆ ಎಂದು ಹೇಳಿದರು.
ಜ್ಯುವೆಲ್ಸ್ ಆಫ್ ಇಂಡಿಯಾ ಎಂಬುದು ಕಾಲಾತೀತ ಸೌಂದರ್ಯ ಮತ್ತು ಸೊಗಸಾದ ಕರಕುಶಲತೆಗೆ ಸಮಾನಾರ್ಥಕವಾದ ಹೆಸರು. 25 ವರ್ಷಗಳಿಂದ ಇದು ಭಾರತೀಯ ಆಭರಣಗಳ ಕಲಾತ್ಮಕತೆಯನ್ನು ಕೊಂಡಾಡುವ ಸುಪ್ರಸಿದ್ಧ ಪ್ರಯಾಣವಾಗಿದೆ. ನಾವು ಮತ್ತೊಂದು ಭವ್ಯವಾದ ಘಟನೆಯ ತುದಿಯಲ್ಲಿ ನಿಂತಿರುವಾಗ, ತಮನ್ನಾ ಭಾಟಿಯಾ ಅವರು, 25ನೇ ಆವೃತ್ತಿಯ ಬ್ರ್ಯಾಂಡ್ ಅಂಬಾಸಿಡರ್ ಆಗಿರುವುದಕ್ಕೆ ನಾವು ತುಂಬಾ ಸಂತೋಷಗೊಂಡಿದ್ದೇವೆ ಮತ್ತು ಉತ್ತಮ ಪ್ರದರ್ಶನಕ್ಕಾಗಿ ಎದುರು ನೋಡುತ್ತಿದ್ದೇವೆ” ಎಂದು ಜ್ಯುವೆಲ್ಸ್ ಆಫ್ ಇಂಡಿಯಾದ ಮಾಲೀಕರಾದ ವಿಕ್ರಮ್ ಮೆಹ್ತಾ ಮತ್ತು ಹೇಮಂತ್ ಜೈನ್ ವ್ಯಕ್ತಪಡಿಸಿದ್ದಾರೆ.
ಜ್ಯುವೆಲ್ಸ್ ಆಫ್ ಇಂಡಿಯಾ ದೇಶಾದ್ಯಂತ ಅತ್ಯುತ್ತಮವಾಗಿ ರಚಿಸಲಾದ ಟೈಮ್‍ಲೆಸ್ ಸಂಗ್ರಹಣೆಗಳು ಮತ್ತು ಮೇರುಕೃತಿಗಳನ್ನು ಪ್ರದರ್ಶಿಸಲು ಒಂದೇ ಸೂರಿನಡಿ ಅಗ್ರ 100+ ಆಭರಣಗಳನ್ನು ಒಟ್ಟುಗೂಡಿಸುತ್ತದೆ. ಈವೆಂಟ್ ಇಲ್ಲಿಯವರೆಗೆ 50 ಸಾವಿರಕ್ಕೂ ಅಧಿಕ ಸಂಖ್ಯೆಯಲ್ಲಿ ಜನರು ಬಂದಿದ್ದಾರೆ, 20 ಸಾವಿರಕ್ಕಿಂತ ಹೆಚ್ಚು ಗ್ರಾಹಕರು ಮತ್ತು 100 ಕೋಟಿ ವಾರ್ಷಿಕ ಆದಾಯದೊಂದಿಗೆ ಐತಿಹಾಸಿಕ ವ್ಯಾಪಾರಕ್ಕೆ ಸಾಕ್ಷಿಯಾಗಿದೆ.
ಕಾರ್ಯಕ್ರಮವನ್ನು ಉತ್ತೇಜಿಸಲು ಕೈಗೊಳ್ಳುವ ಎಲ್ಲಾ ಪ್ರಕಾರದ ಪ್ರಚಾರಗಳು ಮತ್ತು ಮಾರ್ಕೆಟಿಂಗ್ ಉಪಕ್ರಮಗಳ ಮುಖವಾಗಿ ತಮನ್ನಾ ಇದ್ದಾರೆ.
ಜ್ಯುವೆಲ್ಸ್ ಆಫ್ ಇಂಡಿಯಾ ಪರಿಚಯ:
ಕರಕುಶಲತೆಗೆ ಗುರುತಿಸಲ್ಪಟ್ಟಿರುವ ಜ್ಯುವೆಲ್ಸ್ ಆಫ್ ಇಂಡಿಯಾ 1999ರಲ್ಲಿ ಸ್ಥಾಪನೆಗೊಂಡಿತು ಮತ್ತು ಇದುವರೆಗೆ ದೇಶದ ಅತಿದೊಡ್ಡ ಆಭರಣ ಸಂಸ್ಥೆಯಾಗಿ ಉಳಿದಿದೆ. ಈ ಪ್ರತಿಷ್ಠಿತ ಕಾರ್ಯಕ್ರಮ ಸಂದೀಪ್ ಬೇಕಲ್ ಅವರ ಕನಸಿನ ಕೂಸು, ಅವರು ವರ್ಷದಿಂದ ವರ್ಷಕ್ಕೆ ಕಾರ್ಯಕ್ರಮದ ಬ್ರ್ಯಾಂಡ್ ಖ್ಯಾತಿಯನ್ನು ದೊಡ್ಡ ಕಾರ್ಯಕ್ರಮಗಳು, ದೊಡ್ಡ ವ್ಯಾಪಾರ ಮತ್ತು ದೊಡ್ಡ ಸೆಲೆಬ್ರಿಟಿಗಳೊಂದಿಗೆ ಹೆಚ್ಚಿಸುವಲ್ಲಿ ಯಶಸ್ವಿಯಾಗಿ ನಿರ್ವಹಿಸುತ್ತಿದ್ದಾರೆ.
ನಾಯಕತ್ವದಲ್ಲಿ ಬದಲಾವಣೆಯೊಂದಿಗೆ 2023 ಜ್ಯುವೆಲ್ಸ್ ಆಫ್ ಇಂಡಿಯಾಗೆ ಐತಿಹಾಸಿಕ ಕ್ಷಣವಾಗಿದೆ. ವಿಕ್ರಮ್ ಮೆಹ್ತಾ ಮತ್ತು ಹೇಮಂತ್ ಜೈನ್ ಅವರು ಈಗ ಜ್ಯುವೆಲ್ಸ್ ಆಫ್ ಇಂಡಿಯಾದ ಪರಂಪರೆಯನ್ನು ಮುಂದುವರಿಸಲು ಒಟ್ಟಿಗೆ ಸೇರಿದ್ದಾರೆ.
ಕಾರ್ಯಕ್ರಮದ ವಿವರಗಳು
ಜ್ಯುವೆಲ್ಸ್ ಆಫ್ ಇಂಡಿಯಾ, ಭಾರತದ ಅತಿದೊಡ್ಡ ಆಭರಣ ಪ್ರದರ್ಶನ ಮತ್ತು ಮಾರಾಟ
ದಿನಾಂಕ: ಅಕ್ಟೋಬರ್ 27 – 30, 2023
ಸಮಯ: ಬೆಳಿಗ್ಗೆ 10 ರಿಂದ 8ರ ವರೆಗೆ,
ಸ್ಥಳ: ಸೇಂಟ್ ಜೋಸೆಫ್ ಶಾಲಾ ಮೈದಾನ, ವಿಠ್ಠಲ್ ಮಲ್ಯ ರಸ್ತೆ, ಯುಬಿ ಸಿಟಿ ಎದುರು, ಬೆಂಗಳೂರು
ಭಾರತದಾದ್ಯಂತ 100ಕ್ಕೂ ಹೆಚ್ಚು ಆಭರಣ ವ್ಯಾಪಾರಿಗಳು ಒಂದೇ ಸೂರಿನಡಿ ಭಾಗವಹಿಸಲಿದ್ದಾರೆ!
