ಇತ್ತೀಚಿನ ಸುದ್ದಿ
ಪಾದುವಾ ಕಾಲೇಜ್ ಆಫ್ ಕಾಮರ್ಸ್ ಅಂಡ್ ಮ್ಯಾನೇಜ್ಮೆಂಟ್ನಲ್ಲಿ ಓಣಂ ಮತ್ತು ಫ್ರೆಶರ್ಸ್ ದಿನ
02/09/2023, 22:33
ಮಂಗಳೂರು(reporterkarnataka.com): ನಗರದ ಪಾದುವಾ ಕಾಲೇಜ್ ಆಫ್ ಕಾಮರ್ಸ್ ಅಂಡ್ ಮ್ಯಾನೇಜ್ಮೆಂಟ್ನ ಸಾಂಸ್ಕೃತಿಕ ಕ್ಲಬ್ ಆಶ್ರಯದಲ್ಲಿ
ಓಣಂ ಮತ್ತು ಫ್ರೆಶರ್ಸ್ ದಿನವನ್ನು ಕಾಲೇಜು ಸಭಾಂಗಣದಲ್ಲಿ ಆಚರಿಸಲಾಯಿತು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪ್ರಾಂಶುಪಾಲ ರೆ.ಫಾ. ಅರುಣ್ ವಿಲ್ಸನ್ ಲೋಬೋ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ನಟಿ, ಫ್ಯಾಶನ್ ಡಿಸೈನರ್ ಮತ್ತು ಎಂ.ಸಿ. ಹೆರಾ ಪಿಂಟೋ, ಕಾಲೇಜಿನ ಉಪ ಪ್ರಾಂಶುಪಾಲರಾದ ರೋಷನ್ ಸಾಂತುಮಾಯೆರ್, ಐಕ್ಯೂಎಸಿ ಸಂಯೋಜಕಿ ಜೆಸ್ಫ್ರಿಡಾ ಮಿನೇಜಸ್, ಕಲ್ಚರಲ್ ಕ್ಲಬ್ ಕೋ ಆರ್ಡಿನೇಟರ್ ಸೀಮಾ ಪಿರೇರಾ, ಕಲ್ಚರಲ್ ಕ್ಲಬ್ ಅಧ್ಯಕ್ಷ ಜೋಯಲ್ ಮತ್ತು ಕಾರ್ಯದರ್ಶಿ ಜೈಸನ್ ಡೆಸಾ ಉಪಸ್ಥಿತರಿದ್ದರು.
ಮುಖ್ಯ ಅತಿಥಿ ಹೇರಾ ಪಿಂಟೋ ಅವರು ವಿದ್ಯಾರ್ಥಿ ಜೀವನದಲ್ಲಿ ನ್ಯೂನತೆಗಳಿರುವ ಮತ್ತು ಎಲ್ಲಾ ಅವಕಾಶಗಳನ್ನು ಬಳಸಿಕೊಳ್ಳುವ ಮಹತ್ವದ ಕುರಿತು ಸಂದೇಶ ನೀಡಿದರು. ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಫ್ರೆಶರ್ಗಳಿಗಾಗಿ ಕೆಲವು ಆಟಗಳು ಮತ್ತು ತೆಂಗಿನಕಾಯಿ ಪಾಸ್, ಕುರ್ಚಿ ರಿಲೇ, ಬಲೂನ್ ಶಿಫ್ಟ್ ಮಾಡುವುದು ಮತ್ತು ಟ್ರೆಷರ್ ಹಂಟ್ನಂತಹ ಓಣಂ ಅಂತರ್ ತರಗತಿ ಸ್ಪರ್ಧೆಗಳು ನಡೆದವು.
