ಇತ್ತೀಚಿನ ಸುದ್ದಿ
Mangaluru | ಐಡಿಎಸ್ ಕಾಲೇಜಿನಲ್ಲಿ ಡಿಸೈನ್ ಸೆಲೆಬ್ರೇಷನ್ ವರ್ಕ್‌ಶಾಪ್
28/08/2025, 23:10
ಮಂಗಳೂರು(reporterkarnataka.com): ಐಡಿಎಸ್ ಕಾಲೇಜಿನಲ್ಲಿ ಡಿಸೈನ್ ಸೆಲೆಬ್ರೇಷನ್ ವರ್ಕ್‌ಶಾಪ್ – “ಡೀಪ್ ಡೈವ್ ಇನ್‌ಟು ಡಿಸೈನ್ ಅಂಡ್ AI” ಸೃಜನಶೀಲತೆ, ಡಿಸೈನ್ ಥಿಂಕಿಂಗ್ ಮತ್ತು ಡಿಸೈನ್ ಕ್ಷೇತ್ರದಲ್ಲಿ AIಯ ಅಭಿವೃದ್ಧಿಶೀಲ ಪಾತ್ರವನ್ನು ಅನ್ವೇಷಿಸುವ ಉದ್ದೇಶದಿಂದ ಇತ್ತೀಚೆಗೆ ಆಯೋಜಿಸಲಾಯಿತು.
ಕಾರ್ಯಕ್ರಮ ಅಂತಿಮ ವರ್ಷದ ಬಿಎಸ್ ಸಿ ಫ್ಯಾಷನ್ ಡಿಸೈನ್ ವಿದ್ಯಾರ್ಥಿನಿ ಫಾತಿಮಾ ನಸುಹಾ ಅವರ ಸ್ವಾಗತ ಭಾಷಣದಿಂದ ಆರಂಭಗೊಂಡಿತು. ಅತಿಥಿ ವಕ್ತಾರರಾದ ಆರ್ಕಿಟೆಕ್ಟ್ ನಿಶಿತ್ ಉರ್ವಲ್ ಅವರನ್ನು ಅಂತಿಮ ವರ್ಷದ ವಿದ್ಯಾರ್ಥಿನಿ ಅಲಿಷಾ ಆಯಿಷಾ ಪರಿಚಯಿಸಿದರು.
ತಮ್ಮ ಅಧಿವೇಶನದಲ್ಲಿ ನಿಶಿತ್ ಉರ್ವಲ್ ಅವರು ವಾಸ್ತುಶಿಲ್ಪ ಮತ್ತು ಡಿಸೈನ್ ಕ್ಷೇತ್ರದಲ್ಲಿನ ತಮ್ಮ ಪ್ರಯಾಣವನ್ನು ಹಂಚಿಕೊಂಡು, ಸೃಜನಶೀಲತೆ ಒಂದು ದೃಷ್ಟಿಕೋನದಿಂದ ಪ್ರಾರಂಭವಾಗುತ್ತದೆ ಎಂದು ತಿಳಿಸಿದರು.
ಸರಳ ಪೆನ್ಸಿಲ್ ಚಿತ್ರವೂ ಒಬ್ಬರ ಕಲ್ಪನೆಗೆ ಅನುಗುಣವಾಗಿ ಅರ್ಥಪೂರ್ಣ ಕಲೆಯಾಗಬಹುದು ಎಂದು ವಿವರಿಸಿದರು.
ಡಿಸೈನ್ ವೈಯಕ್ತಿಕ ಮತ್ತು ವಿಶಿಷ್ಟವಾಗಿರುತ್ತದೆ, ಏಕೆಂದರೆ ಪ್ರತಿಯೊಬ್ಬರೂ ಆಲೋಚನೆಗಳನ್ನು ವಿಭಿನ್ನವಾಗಿ ಅರ್ಥೈಸುತ್ತಾರೆ ಎಂದು ಒತ್ತಿ ಹೇಳಿದರು.
ಇದನ್ನು ಸಾಬೀತುಪಡಿಸಲು, ಅವರು ಅನೇಕ ಮುಖಗಳನ್ನು ಒಳಗೊಂಡ ಒಂದು ಚಿತ್ರವನ್ನು ಬರೆದರು. ಪ್ರತಿ ವ್ಯಕ್ತಿಯೂ ಅದನ್ನು ವಿಭಿನ್ನವಾಗಿ ನೋಡುತ್ತಾರೆ ಎಂಬುದನ್ನು ವಿವರಿಸಿದರು. ಈ ಚಟುವಟಿಕೆ ಡಿಸೈನ್ ದೃಷ್ಟಿಕೋನ ಮತ್ತು ಸೃಜನಶೀಲತೆಯಲ್ಲಿ ನೆಲೆಸಿದೆ ಎಂಬ ಬಲವಾದ ಸಂದೇಶವನ್ನು ನೀಡಿತು.
ಇದಾದ ಬಳಿಕ, ವಿದ್ಯಾರ್ಥಿಗಳಿಗೆ ತಮ್ಮದೇ ಕಲ್ಪನೆಗಳನ್ನು ಬಳಸಿಕೊಂಡು ಚಿತ್ರ ಬಿಡಿಸಲು ಅವಕಾಶ ನೀಡಲಾಯಿತು. ಈ ಸಂವಹನಾತ್ಮಕ ಕಾರ್ಯವು ಅವರ ಕಲ್ಪನೆಗಳನ್ನು ಅನ್ವೇಷಿಸಲು, ಕಲಾತ್ಮಕ ಆತ್ಮವಿಶ್ವಾಸವನ್ನು ಹೆಚ್ಚಿಸಲು ಮತ್ತು ತಮ್ಮ ಆಲೋಚನೆಗಳನ್ನು ವಿಭಿನ್ನ ರೀತಿಯಲ್ಲಿ ವ್ಯಕ್ತಪಡಿಸಲು ಉತ್ತೇಜಿಸಿತು.
ಈ ಅಧಿವೇಶನವು ಪ್ರಾಂಶುಪಾಲರಾದ ತಾರಾ ಶೆಟ್ಟಿ, ಮುಖ್ಯ ಶೈಕ್ಷಣಿಕ ಅಧಿಕಾರಿ (CAO) ಯವರಾದ ಮೊಹಮ್ಮದ್ ಸಮೀರ್ ಡೀನ್, ಅಧ್ಯಾಪಕರು ಮತ್ತು ಬೋಧಕೇತರ ಸಿಬ್ಬಂದಿಯವರ ಸಾನ್ನಿಧ್ಯದಿಂದ ಕಂಗೊಳಿಸಿತು. B.Sc. ಮತ್ತು BCA ಮೊದಲ ವರ್ಷದ ವಿದ್ಯಾರ್ಥಿಗಳು, FD ಮತ್ತು ID ಎರಡನೇ ವರ್ಷದ ವಿದ್ಯಾರ್ಥಿಗಳು, ಹಾಗೂ FD ಮತ್ತು ID ಮೂರನೇ ವರ್ಷದ ವಿದ್ಯಾರ್ಥಿಗಳು ಸಕ್ರಿಯವಾಗಿ ಪಾಲ್ಗೊಂಡು, ಈ ಕಾರ್ಯಕ್ರಮವನ್ನು ಅತ್ಯಂತ ಸಕ್ರಿಯ ಮತ್ತು ಸಂವಾದಾತ್ಮಕ ಕಲಿಕೆಯ ಅನುಭವವನ್ನಾಗಿಸಿದರು.
ಕಾರ್ಯಕ್ರಮದ ಅಂತ್ಯದಲ್ಲಿ ಅಂತಿಮ ವರ್ಷದ ವಿದ್ಯಾರ್ಥಿನಿ ಅಲಿಷಾ ಆಯಿಷಾ ಧನ್ಯವಾದ ಪ್ರಸ್ತಾವಿಸಿದರು. ನಂತರ IDS ಕಾಲೇಜಿನ ಚೇರ್ಮನ್ ಆರ್ಕಿಟೆಕ್ಟ್ ಮೊಹಮ್ಮದ್ ನಿಸ್ಸಾರ್, ಪ್ರಿನ್ಸಿಪಾಲ್ ತಾರಾ ಎಸ್. ಶೆಟ್ಟಿ ಮತ್ತು CAO ಮೊಹಮ್ಮದ್ ಸಮೀರ್ ದಿನ್ ಅವರು ಅತಿಥಿಗಳಿಗೆ ಸ್ಮರಣಿಕೆ ನೀಡಿ ಗೌರವಿಸಿದರು.
