2:23 AM Wednesday18 - November 2026
ಬ್ರೇಕಿಂಗ್ ನ್ಯೂಸ್
ತಲಕಾವೇರಿ ಅನ್ನದಾನ ಮಹಾಯಜ್ಞ ಸಂಪನ್ನ: ಕೊಡಗು ಏಕೀಕರಣ ರಂಗದ ವತಿಯಿಂದ ಒಂದು ತಿಂಗಳ… ಸಿನಿಮಾ ನಟರನ್ನು ನೋಡಿ ಸಿಗರೇಟ್ ಸೇದಬೇಡಿ, ಐಸಿಯು ಸೇರುವ ಪರಿಸ್ಥಿತಿ ಬರಬಹುದು: ಆರೋಗ್ಯ… ಉತ್ತರಾಖಂಡ | ಸುಮಾರು 100 ಮೀಟರ್‌ ಆಳದ ಕಂದಕಕ್ಕೆ ಉರುಳಿದ ಬಸ್: 8… ಸಚಿವ ಸಂಪುಟದಲ್ಲಿ ಮಹಿಳಾ ಪ್ರಾತಿನಿಧ್ಯ ಹೈಕಮಾಂಡ್ ತೀರ್ಮಾನಿಸಲಿದೆ: ಸಿಎಂ ಡಿ. ಕೆ. ಶಿವಕುಮಾರ್ ತಿಪಟೂರು | ಕೆಎಸ್​ಆರ್​ಟಿಸಿ ಬಸ್ ರೂಪದಲ್ಲಿ ಬಂದ ಮೃತ್ಯು: ಭೀಕರ ಅಪಘಾತದಲ್ಲಿ ಯುವಕರಿಬ್ಬರು… ಮಂಡ್ಯ | ನಂದಿನಿ ಮೊಸರಿನ ಪ್ಯಾಕೆಟ್‌ನಲ್ಲಿ ಜಿಯೋ ಸಿಮ್ ಸಿಕ್ಕಿದೆ ಎಂದು ಸುಳ್ಳು… ತುಮಕೂರು | ಸಿಎಂ ಸ್ಥಾನ ಕೈತಪ್ಪಿದ್ದಕ್ಕೆ ವೇದಿಕೆ ಮೇಲೆಯೇ ಭಾವುಕರಾದ ಡಾ. ಪರಮೇಶ್ವರ್ ಪಂಡಿತ್ ಜವಾಹರಲಾಲ್ ನೆಹರು 137ನೇ ಜನ್ಮದಿನ: ಪ್ರಧಾನಿ ಮೋದಿ, ರಕ್ಷಣಾ ಸಚಿವ ರಾಜನಾಥ್… ಮೆಟ್ರೋ ಅನುದಾನ ತಾರತಮ್ಯ ಆರೋಪಕ್ಕೆ ಪ್ರಧಾನಿ ನಯವಾದ ತಿರುಗೇಟು: ಈಗ ಸೆಂಚುರಿ ಬಾರಿಸಿದೆ… ಚಿಕ್ಕಮಗಳೂರು | ತರೀಕೆರೆ‌ ಬಳಿ ಮಣ್ಣಿನಗುಡ್ಡೆಗೆ ಬೈಕ್ ಡಿಕ್ಕಿ: ಪುತ್ರಿ ಸಾವು; ತಂದೆ…

ಇತ್ತೀಚಿನ ಸುದ್ದಿ

ಮನಸ್ಸು ಹುಚ್ಚು ಕುದುರೆಯಂತೆ… ಒಮ್ಮೆ ಕೋಮಲ, ಇನ್ನೊಮ್ಮೆ ಚಂಚಲ, ಮಗದೊಮ್ಮೆ ಭಾವುಕ!!

06/10/2024, 21:31

ರಾಜೇಶ್ವರಿ ಕುಮಾರ್ ರಾವ್ ಬೆಂಗಳೂರು

info.reporterkarnataka@gmail.com

ಮನುಷ್ಯನ ದೇಹದ ವಿವಿಧ ಅಂಗಾಂಗಗಳಿಗೆ ರೂಪ ಆಕಾರಗಳಿವೆ. ಆದರೆ ‘ಮನಸ್ಸು’ ಎಂಬ ಭಾಗ ಅದೆಲ್ಲಿ ಅವಿತು ಕುಳಿತಿದೆಯೋ ಆ ಸೃಷ್ಟಿಕರ್ತನೇ ಬಲ್ಲ. ನಮ್ಮ ಪೂರ್ವಜರು ‘ಮನೋನಿಗ್ರಹ’ ಎಂಬ ಸಾಧನೆಯನ್ನು ಕರಗತ ಮಾಡಿಕೊಳ್ಳಲು ಜಪತಪಗಳನ್ನು ಮಾಡುತ್ತಿದ್ದರಂತೆ. ಅವರ ಸಾಧನೆಯನ್ನು ನಿಷ್ಕ್ರಿಯಗೊಳಿಸಲು ವಿವಿಧ ರೀತಿಯ ಪ್ರಲೋಭನೆಗಳು ಅವರ ಕಣ್ಮುಂದೆ ಪ್ರತ್ಯಕ್ಷವಾಗುತ್ತಿದ್ದುವೆಂದು ಪುರಾಣ ಕತೆಗಳಲ್ಲಿ ಉಲ್ಲೇಖಗಳಿವೆ. ನಮ್ಮ ಮನಸ್ಸಿನಲ್ಲಿ ಉದಿಸುವ ಸಂತೋಷ, ದುಃಖ,ಆಸೆ ನಿರಾಸೆ, ಲೋಭ ಮೋಹ ಮದಮತ್ಸರ ಎಂಬಿತ್ಯಾದಿ ಭಾವಗಳ ಉದಯವಾಗುವುದು ಮನಸ್ಸಿನಲ್ಲಿಯೇ.
ಮನುಷ್ಯನ ಮನಸ್ಸು ಹುಚ್ಚು ಕುದುರೆಯಂತೆ. ಒಮ್ಮೆ ಕೋಮಲ, ಇನ್ನೊಮ್ಮೆ ಚಂಚಲ, ಮಗದೊಮ್ಮೆ ಭಾವುಕ.
ಆದರೆ ಬುದ್ಧಿಯ ನಿಲುವು ದೃಢ. ಮನುಷ್ಯ ಸಮಾಜದಲ್ಲಿ ಬದುಕಬೇಕಾದರೆ ಬುದ್ಧಿ ಮನಸ್ಸುಗಳೆರಡರ ಸಾಮರಸ್ಯ ಇರಲೇಬೇಕು. ಆತ ತನ್ನ ನಿಲುವನ್ನು ತಾನೇ ದೃಢಪಡಿಸಿ ಕೊಳ್ಳಬೇಕು.
ಸುತ್ತಲ ಪರಿಸರಕ್ಕೆ ತನ್ನನ್ನು ತಾನೇ ಅಳವಡಿಸಿಕೊಳ್ಳುತ್ತಾ,
ಇತರರ ದಕ್ಷತೆಯ ಹಿಂದಿರುವ ಮನಸ್ಥೈರ್ಯವನ್ನು, ಸೂಕ್ಷ್ಮವಾಗಿ ಅವಲೋಕಿಸಬೇಕು. ತನ್ನ ಬುದ್ದಿಗೆ ತಾನೇ ತಾಲೀಮು ಕೊಟ್ಟು, ಭಾವನೆಗಳನ್ನು ಹಾಗೂ ವರ್ತನೆ
ಯನ್ನು ಸಮರ್ಪಕವಾಗಿ ಅಭಿವ್ಯಕ್ತಿಸುವ ಕಲೆಯನ್ನು ಕರಗತಪಡಿಸಿಕೊಳ್ಳುವುದು ಅನಿವಾರ್ಯ. ಪ್ರತಿಯೊಬ್ಬ ವ್ಯಕ್ತಿಗೂ ತನ್ನದೇ ಆದ ಸ್ವತಂತ್ರ ವ್ಯಕ್ತಿತ್ವ ಇದೆ,
ಮತ್ತು ಇರಲೇಬೇಕು. ಒಂದೇ ತಂದೆತಾಯಿಗಳು ಜನ್ಮಕೊಟ್ಟ ಮಕ್ಕಳು ರೂಪದಲ್ಲಾಗಲೀ, ಗುಣದಲ್ಲಾಗಲೀ ಸ್ವಭಾವದಲ್ಲಾಗಲೀ ಒಬ್ಬರಂತೆ ಇನ್ನೊಬ್ಬರಿಲ್ಲ. ಆದರೆ ನಮ್ಮ ಸಂಸ್ಕಾರ, ವಿದ್ಯೆ, ಅನುಭವ, ಪರಿಸರಕ್ಕೆ ‌ಅನುಗುಣವಾಗಿ , ಸ್ವಭಾವ, ಮಾತು, ವರ್ತನೆಗಳಲ್ಲಿ ‘ ಕೂಡುವ, ಕಳೆಯುವ ‘ಪ್ರಕ್ರಿಯೆ ಸಹಜವಾಗಿ, ನಿರಂತರವಾಗಿ ನಡೆಯುತ್ತಲೇ ಇರುತ್ತದೆ. ಮನುಷ್ಯ ಸ್ವಭಾವ,ಸಂದರ್ಭಕ್ಕೆ ತಕ್ಕಂತೆ
ಬದಲಾವಣೆಯಾಗುತ್ತಾ ಹೋಗುತ್ತದೆ. ಮನುಷ್ಯನ ಮನಸ್ಸಿನ ಪದರು ಪದರುಗಳನ್ನು ಬಿಡಿಸುತ್ತಾ ಹೋದಂತೆ ಎಂತಹಾ ವಿಚಿತ್ರ ಅನುಭವಗಳಾಗುತ್ತದೆ ಗೊತ್ತೇ! ಹಳೆಯ ಯಾವ ಘಟನೆಯನ್ನಾದರೂ ನೆನಪಿಸಿಕೊಳ್ಳಿ. ಯಾವ ಸೆಕ್ರೆಟರಿ, ಅಥವಾ ಕಂಪ್ಯೂಟರಿನ ನೆರವೂ ಇಲ್ಲದೆಆ ಘಟನೆ ನಮ್ಮ ಕಣ್ಣೆದುರು ತನ್ನ ವರ್ಣರಂಜಿತ ಚಿತ್ರ.. ಪಾತ್ರಗಳೊಂದಿಗೆ ಧುತ್ತೆಂದು ಪ್ರತ್ಯಕ್ಷವಾಗುತ್ತದೆ.ಆ ಘಟನೆಯ ಸುತ್ತ ಹೆಣೆದಿದ್ದ ಸುಖ ಅಥವಾ ದುಃಖದ ಅನುಭವ ಯಥಾವತ್ತಾಗಿ ಪುನರಾವರ್ತನೆಯಾಗುತ್ತಾ, ನಮ್ಮ ತುಟಿಯಲ್ಲಿ ನಗುವಿನೆಳೆಯೋ ಕಣ್ಣಂಚಿನಲ್ಲಿ ಕಂಬನಿಯೋ ಆಗಿ ಗೋಚರಿಸಬಹುದು. ಕೇಳುವ ಕಿವಿಗಳಿದ್ದರಂತೂ ಘಟನೆಗೆ ರೆಕ್ಕೆ ಪುಕ್ಕವೂ ಹುಟ್ಟಿಕೊಳ್ಳುತ್ತವೆ. ಆ ಗುಂಗಿನಿಂದ ವಾಸ್ತವ ಪ್ರಪಂಚಕ್ಕೆ ಬರಲು ಬಹಳಷ್ಟು ಸಮಯವೇ ಬೇಕು.
ಬುದ್ಧಿ ಮನಸ್ಸುಗಳಲ್ಲಿರುವ ಅವ್ಯಕ್ತ ಖಜಾನೆ,ಅಥವಾ
ಕಸದ ಬುಟ್ಟಿ…ನೆನಪುಗಳು. ಎದುರಿಗಿರುವವರನ್ನು ಗುರುತಿಸಲಾಗದಷ್ಟು ವಯಸ್ಸಾಗಿ, ಕಣ್ಣು ಮಂಜಾದ
ಹಣ್ಣು ಹಣ್ಣು ಮುದುಕ..ಬಾಲ್ಯದಲ್ಲಿ ಯಾವಾಗಲೋ
ನಡೆದಿದ್ದ ಯಾವುದೋ ಘಟನೆಯನ್ನು ಯಥಾವತ್ತಾಗಿ
ಕಣ್ಣಿಗೆ ಕಟ್ಟುವಂತೆ ವರ್ಣಿಸುವುದನ್ನು ನಾವೆಲ್ಲಾ ಕೇಳಿದ್ದೇವೆ. ಆತ ತಾನು ಜೇಬಿನಲ್ಲಿಟ್ಟ,ಅಥವಾ ತಲೆಗೆ ಏರಿಸಿಕೊಂಡ ಕನ್ನಡಕವನ್ನು ಮನೆಯೆಲ್ಲಾ ಹುಡುಕಾಡು ತ್ತಾನೆ. ಆದರೆ, ಹಳೆಯ..ಬಾಲ್ಯದ,ತುಂಬುಯೌವನದ ಮೋಜು ಮಸ್ತಿ,ಸಾಧನೆ,ಸೋಲು ,ಯಾರೋ ಮಾಡಿದ ಅವಮಾನಗಳನ್ನು ಮುಚ್ಚಿಟ್ಟ– ಬಚ್ಚಿಟ್ಟ ಮಿದುಳಿನ ಮೂಲೆಯ ಸಂದೂಕ ತೆರೆದು ಧಪಧಪನೆ ಸುರಿದು ಬಿಡುತ್ತಾನೆ.ಅದೇ ಸುಪ್ತ ಮನಸ್ಸಿನ ಶಕ್ತಿ.. ನಿಗೂಢತೆ.

ಇತ್ತೀಚಿನ ಸುದ್ದಿ

ಜಾಹೀರಾತು