ಇತ್ತೀಚಿನ ಸುದ್ದಿ
ಮಂಗಳೂರಿನ ಫುಡ್ ಡೆಲಿವರಿ ಬಾಯ್ ನಿಂದ ಸೋಮವಾರಪೇಟೆಯಲ್ಲಿ ಸರಗಳ್ಳತನ..!
29/11/2025, 17:29
ಗಿರಿಧರ್ ಕೊಂಪುಳಿರ ಮಡಿಕೇರಿ
info.reporterkarnataka@gmail.com
ಸೋಮವಾರಪೇಟೆ ತಾಲ್ಲೂಕಿನ ಕಲ್ಲಳ್ಳಿಯಲ್ಲಿ ವಿಳಾಸ ಕೇಳುವ ನೆಪದಲ್ಲಿ ದಾರಿಯಲ್ಲಿ ಹೋಗುತ್ತಿದ್ದ ಮಹಿಳೆಯೊಬ್ಬರ ಕತ್ತಿನಿಂದ ಚಿನ್ನದ ಸರ ಏಗರಿಸಿದ ಘಟನೆ ನಡೆದಿದೆ. ಮಹಿಳೆ ಬಳಿ ಮಲ್ಲಳ್ಳಿ ಜಲಪಾತಕ್ಕೆ ತೆರಳುವ ದಾರಿ ವಿಚಾರಿಸಿದ ಬೈಕ್ ಸವಾರ ಕ್ಷಣ ಮಾತ್ರದಲ್ಲಿ 25 ಗ್ರಾಂ ಚಿನ್ನದ ಸರ ಏಗರಿಸಿ ತಂಬಲಗೇರಿ ರಸ್ತೆ ಕಡೆ ತೆರಳಿದ್ದಾನೆ.
ಘಟನೆ ಬಳಿಕ ಸೋಮವಾರಪೇಟೆ ಪೊಲೀಸರು ಬಿಸಲೆ ಮತ್ತು ಚಂಗಡಹಳ್ಳಿಯ ಸಿಸಿಟಿವಿ ಪರಿಶೀಲನೆ ನಡೆಸಿದ್ದು, ಕಾರ್ಯಾಚರಣೆ ವೇಳೆ ಸೋಮವಾರಪೇಟೆ ತಾಲ್ಲೂಕಿನ ದೊಡ್ಡತೊಳೂರು ಗ್ರಾಮದ ಆದರ್ಶ್ ನನ್ನು ಬಂಧಿಸಲಾಗಿದೆ. ಆದರ್ಶ್ ಮಂಗಳೂರಿನಲ್ಲಿ ಫುಡ್ ಡೆಲಿವರಿ ಕೆಲಸ ಮಾಡಿಕೊಂಡಿದ್ದು, ರಜೆಯ ಮೇಲೆ ಊರಿಗೆ ಬಂದು ಈ ಕೃತ್ಯ ನಡೆಸಿದ್ದಾನೆ. ಕಳುವು ಮಾಡಿದ ಸರವನ್ನು ಹಾಸನದಲ್ಲಿ ಅಡವು ಇಟ್ಟು ಹಣ ಪಡೆದಿದ್ದ, ಸದ್ಯ ಸರವನ್ನು ವಶಕ್ಕೆ ಪಡೆಯಲಾಗಿದೆ.
