ಇತ್ತೀಚಿನ ಸುದ್ದಿ
ಸುಂದರಿಯರ ಸ್ಪರ್ಧೆ: ನಿಕಾರಗುವಾದ ಶೆಯ್ನ್ನಿಸ್ ಪಲಾಸಿಯೋಸ್ ಮುಡಿಗೆ ಮಿಸ್ ಯೂನಿವರ್ಸ್ ಕಿರೀಟ
19/11/2023, 13:12
ಸಾಲ್ವಡಾರ್(reporterkarnataka.com): ಸೆಂಟ್ರಲ್ ಅಮೆರಿಕದ ಸಾಲ್ವಡಾರ್ನಲ್ಲಿ ನಡೆದ ಸೌಂದರ್ಯ ಸ್ಪರ್ಧೆಯಲ್ಲಿ ನಿಕಾರಗುವಾದ ಶೆಯ್ನ್ನಿಸ್ ಪಲಾಸಿಯೋಸ್ ಅವರು 2023ನೇ ಸಾಲಿನ ಮಿಸ್ ಯೂನಿವರ್ಸ್ ಆಗಿ ಆಯ್ಕೆಯಾಗಿದ್ದಾರೆ.
ಸ್ಪರ್ಧೆಯ ಅಂತಿಮ ಸುತ್ತಿನ ಪ್ರದರ್ಶನದಲ್ಲಿ ಶೆಯ್ನ್ನಿಸ್ ಅವರು ಪ್ರಶಸ್ತಿ ಮುಡಿಗೇರಿಸಿಕೊಂಡರು. 2022ರ ಮಿಸ್ ಯೂನಿವರ್ಸ್ ಬಾನಿ ಗಾಬ್ರಿಯೆಲ್ ಅವರು ಶೆಯ್ನ್ನಿಸ್ ಪಲಾಸಿಯೋಸ್ ಅವರಿಗೆ ಕಿರೀಟ ತೊಡಿಸಿದರು.
ಸ್ಪರ್ಧೆಯಲ್ಲಿ 90ಕ್ಕೂ ಹಚ್ಚು ದೇಶಗಳ ಸುಂದರಿಯರು ಪಾಲ್ಗೊಂಡಿದ್ದರು. ಸೆಂಟ್ರಲ್ ಅಮೆರಿಕದ ಅಲ್ ಸಾಲ್ವಡಾರ್ನಲ್ಲಿರುವ ಜೋಸ್ ಅಡೊಲ್ಫೊ ಪಿನಡೇ ಅರೇನಾದಲ್ಲಿ
ನಡೆದ 72ನೇ ಭುವನ ಸುಂದರಿ ಸ್ಪರ್ಧೆ ಇದಾಗಿದೆ.
ಈ ಬಾರಿಯ ಭುವನ ಸುಂದರಿ ಸ್ಪರ್ಧೆಯು ಹಲವು ವಿಶೇಷಗಳಿಂದ ಕೂಡಿತ್ತು. ಮೊದಲ ಬಾರಿಗೆ ಲಿಂಗ ಪರಿವರ್ತನೆ ಮಾಡಿಕೊಂಡ ಇಬ್ಬರು ಮಹಿಳೆಯರಿಗೆ ಭಾಗವಹಿಸಲು ಅವಕಾಶ ನೀಡಲಾಗಿತ್ತು. ಸೌಂದರ್ಯ ಸ್ಪರ್ಧೆ ಅಂದ್ರೆ ತೆಳ್ಳಗೆ ಬಳಕುವ ಸುಂದರಿಯರು. ಆದರೆ ಈ ಬಾರಿ ಒಬ್ಬ ದಪ್ಪಗಿರುವ ನೇಪಾಳದ ಸುಂದರಿ ಜೇನ್ ದೀಪಿಕಾ ಗ್ಯಾರೆಟ್ ಅವರು ಕೂಡ ಭಾಗವಹಿಸಿದ್ದರು.
2022ರ ಮಿಸ್ ಯೂನಿವರ್ಸ್ ಬಾನಿ ಗಾಬ್ರಿಯೆಲ್ ಅವರು ಶೆಯ್ನ್ನಿಸ್ ಪಲಾಸಿಯೋಸ್ ಅವರಿಗೆ ಕಿರೀಟ ತೊಡಿಸಿದರು. ಶೆಯ್ನ್ನಿಸ್ ಪಲಾಸಿಯೋಸ್ ಅವರು ಭುವನ ಸುಂದರಿ ಪಟ್ಟ ಅಲಂಕರಿಸಿದ ನಿಕಾರಗುವಾದ ಮೊದಲ ರೂಪದರ್ಶಿ ಎಂಬ
ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
