ಇತ್ತೀಚಿನ ಸುದ್ದಿ
ಸಂಡೂರು ವಿಧಾನಸಭೆ ಉಪ ಚುನಾವಣೆ: ಮಧ್ಯಾಹ್ನದ ವೇಳೆಗೆ ಶೇ. 43.46 ಮತದಾನ
13/11/2024, 14:27
ಗಣೇಶ್ ಇನಾಂದಾರ ಬಳ್ಳಾರಿ
info.reporterkarnataka@gmail.com
ಸಂಡೂರು ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಗೆ
ಇಂದು ಬೆಳಿಗ್ಗೆ 7ರಿಂದ ಮತದಾನ ಆರಂಭವಾಗಿದೆ. ಕಾಂಗ್ರೆಸ್ ನಿಂದ ಇ. ಅನ್ನಪೂರ್ಣ, ಬಿಜೆಪಿಯಿಂದ ಬಂಗಾರು ಹನುಮಂತ, ಪಕ್ಷೇತರರಾಗಿ ನಾಲ್ವರು ಸ್ಪರ್ಧೆ ಮಾಡಲಿದ್ದಾರೆ.
ಸಂಡೂರು ಉಪ ಚುನಾವಣೆಯಲ್ಲಿ ಸ್ಪರ್ಧೆ ಮಾಡಿರುವ ಕಾಂಗ್ರೆಸ್ ಅಭ್ಯರ್ಥಿ ಅನ್ನಪೂರ್ಣ ಬುಧವಾರ ಪಟ್ಟಣದ 67ನೇ ಮತಗಟ್ಟೆಯಲ್ಲಿ ಮತದಾನ ಮಾಡಿದರು. ಸಂಡೂರು ಪಟ್ಟಣದ ಬೂತ್-67 ರಲ್ಲಿ ಸಚಿವ ಸಂತೋಷ್ ಲಾಡ್ ತಾಯಿ ಶೈಲಜಾ ಎಸ್.ಲಾಡ್ , ಸಹೋದರಿ ಸುಜಾತಾ ಲಾಡ್ ಮತದಾನ ಮಾಡಿದರು.
ಸಂಡೂರು ವಿಧಾನಸಭೆ ಕ್ಷೇತ್ರದಲ್ಲಿ ಒಟ್ಟು 2,36,402 ಮತದಾರರಿದ್ದು, ಇದರಲ್ಲಿ 1,17,935 ಪುರುಷರು, 1,18,438 ಮಂದಿ ಮಹಿಳೆ ಮತದಾರರು. 29 ಮಂದಿ ಲೈಂಗಿಕ ಅಲ್ಪಸಂಖ್ಯಾತ ಮತಗಳಿವೆ.
*ಭದ್ರತೆಗೆ ವ್ಯವಸ್ಥೆ:* ಕ್ಷೇತ್ರದಲ್ಲಿ ಭದ್ರತೆಗೆ ಸಿವಿಲ್ ಪೊಲೀಸ್-676, ಡಿವೈಎಸ್ಪಿ 03, ಪಿಐ 06, ಪಿಎಸ್ಐ 14, ಎಎಸ್ಐ 22, ಹೆಚ್ ಸಿ 190, ಕಾನ್ಸ್ ಟೇಬಲ್ 281, ಗೃಹರಕ್ಷಕ ದಳ 160, ಕೆಎಸ್ಆರ್ಪಿ 360 ಅಧಿಕಾರಿ ಮತ್ತು ಸಿಬ್ಬಂದಿ ಸೇರಿ ಒಟ್ಟು 1036 ಪೊಲೀಸ್ ಸಿಬ್ಬಂದಿಗಳನ್ನು ನಿಯೋಜನೆ ಮಾಡಲಾಗಿದೆ.
*ಈವರೆಗಿನ ಮತದಾನ:* ಸಂಡೂರು ವಿಧಾನಸಭಾ ಉಪ ಚುನಾವಣೆಯ ಶೇಕಡಾವಾರು ಮತದಾನ ಪ್ರಮಾಣ 11ಕ್ಕೆ ಗಂಟೆಯವರೆಗೆ 26% ಮತದಾನ ನಡೆದಿದೆ.
*ಈ ವರಗಿ ನಮತದಾನ:* ಶೇಕಡಾವಾರು ಮತದಾನ ಪ್ರಮಾಣ ಸಮಯ 1 ಗಂಟೆಯವರೆಗೆ ಶೇ 43.46% ರಷ್ಟು ಮತದಾನ
ನಡೆದಿದೆ.
