ಇತ್ತೀಚಿನ ಸುದ್ದಿ
ಪಿಲಿಕುಳ ಜೈವಿಕ ಉದ್ಯಾನವನದ ‘ರಾಜು’ ಇನ್ನಿಲ್ಲ: ಪ್ರವಾಸಿಗರ ಅಚ್ಚುಮೆಚ್ಚಿನ ಹನುಮಾನ್ ಲಂಗೂರ್ ಇದು!!
06/10/2021, 00:02
ಮಂಗಳೂರು(reporterkarnataka.com): ಪಿಲಿಕುಳ ಜೈವಿಕ ಉದ್ಯಾನವನದ 21 ವರ್ಷ ಪ್ರಾಯದ ಹನುಮಾನ್ ಲಂಗೂರ್ “ರಾಜು” ಇಂದು ಮೃತಪಟ್ಟಿದೆ.
ಉಡುಪಿ ಸಮೀಪದ ಪಡುಬಿದ್ರೆಯ ಬಾರ್ ಒಂದರಿಂದ ರಕ್ಷಿಸಿ ರಾಜುವನ್ನು ಪಿಲಿಕುಳ ಮೃಗಾಲಯದ ಪ್ರಾರಂಭ ದಿನಗಳಲ್ಲಿ ಅಲ್ಲಿಗೆ ನೀಡಲಾಗಿತ್ತು. ಬಾರ್ ಮಾಲೀಕ ಮತ್ತು ಗಿರಾಕಿಗಳಿಗೆ ಅತ್ಯಂತ ಪ್ರೀತಿ ಪಾತ್ರವಾಗಿದ್ದ “ರಾಜು” ಮದ್ಯಪಾನದ ಚಟ ಅಂಟಿಸಿಕೊಂಡು ಅನಾರೋಗ್ಯಕ್ಕೆ ಈಡಾಗಿತ್ತು. ಆದರೆ ಪಿಲಿಕುಳ ಮೃಗಾಲಯದಲ್ಲಿ ನಿಧಾನವಾಗಿ ಅಮಲು ಸೇವನೆಯ ಅಭ್ಯಾಸವನ್ನು ಬಿಡಿಸಿ ವಿವಿಧ ಜಾತಿಯ ಹಣ್ಣು ಹಂಪಲುಗಳನ್ನು ಸೇವಿಸುವುದನ್ನು ರೂಢಿ ಮಾಡಲಾಯಿತು. ಹಾಗೆ ಮೃಗಾಲಯದ ಸಂದರ್ಶಕರಿಗೆ ಬಹಳ ಆಕರ್ಷಕವಾಗಿ ಪ್ರೀತಿಪಾತ್ರವಾಗಿತ್ತು.
ಲಂಗೂರ್ ನೇಪಾಳ, ಶ್ರೀಲಂಕಾ. ಭಾರತದ ಕೆಲವು ಭಾಗಗಳಲ್ಲಿ ಕಾಣ ಸಿಗುತ್ತವೆ. ಈ ಕೋತಿಗಳ ಗಮನಾರ್ಹ ಲಕ್ಷಣವೆಂದರೆ ಮೂರು ಕೋಣೆಗಳ ಹೊಟ್ಟೆ ಹೊಂದಿರುವ ಪ್ರಾಣಿ. ಕೋತಿಯ ಮುಖವು ದುಂಡಾಗಿರುತ್ತದೆ, ಮುಂಭಾಗವು ಚಿಕ್ಕದಾಗಿದೆ, ಮೂಗು ಮುಖವನ್ನು ಮೀರಿ ಚಾಚಿಕೊಂಡಿಲ್ಲ. ಲಂಗೂರ್ನ ಬಾಲ ಮತ್ತು ಕೈಕಾಲುಗಳು ತೆಳ್ಳಗಿರುತ್ತವೆ, ಆದಾಗ್ಯೂ, ಅವು ಶಕ್ತಿ ಮತ್ತು ಸ್ಥಿರತೆಯಲ್ಲಿ ಭಿನ್ನವಾಗಿರುತ್ತವೆ. ಸಾಕಷ್ಟು ಉದ್ದವಾದ ಪಂಜಗಳ ಜೊತೆಗೆ, ಉದ್ದವಾದ ಬೆರಳುಗಳನ್ನು ಕಂಡುಹಿಡಿಯಬಹುದು, ಅವುಗಳಲ್ಲಿ ಮಾತ್ರ ಮೊದಲನೆಯದು ಇತರರಿಗಿಂತ ಕಡಿಮೆ.
ಪಿಲಿಕುಳ ದಲ್ಲಿ ಲಂಗೂರ್ಗಳು ಎಷ್ಟಿವೆ?: ಈಗ ಪ್ರಸ್ತುತ ಪಿಲಿಕುಳ ಮೃಗಾಲಯದಲ್ಲಿ ನಾಲ್ಕು ಹನುಮಾನ್ ಲಂಗೂರ್ ಗಳಿದ್ದು ಅವುಗಳಿಗಾಗಿ ವಿಶಾಲವಾದ ತೆರೆದ ಮರಮಟ್ಟುಗಳಿಂದ ಕೂಡಿದ ಆವರಣವನ್ನು ನಿರ್ಮಿಸಲಾಗಿದೆ. ಹನುಮಾನ್ ಲಂಗೂರ್ ಗಳ ಸಾಮಾನ್ಯ ಆಯಸ್ಸು 18-20 ವರ್ಷದವರೆಗೆ ಬದುಕುತ್ತವೆ ಎನ್ನುತ್ತಾರೆ. ಪಿಲಿಕುಳ ಜೈವಿಕ ಉದ್ಯಾನವನದ ನಿರ್ದೇಶಕ ಎಚ್. ಜೆ. ಭಂಡಾರಿ
