ಇತ್ತೀಚಿನ ಸುದ್ದಿ
ಹೈದರಾಬಾದ್ ನಲ್ಲಿ ಯೋಗ ಮಹೋತ್ಸವ: 50 ಸಾವಿರಕ್ಕೂ ಹೆಚ್ಚು ಜನಸ್ತೋಮ!
27/05/2023, 20:28
ಹೈದರಾಬಾದ್(reporterkarnataka.com): ಹೈದರಾಬಾದ್‍ನ ಎನ್‍ಸಿಸಿ ಪರೇಡ್ ಮೈದಾನದಲ್ಲಿ ಇಂದು ನಡೆದ ಯೋಗ ಮಹೋತ್ಸವದಲ್ಲಿ ಸುಮಾರು 50,000ಕ್ಕೂ ಅಧಿಕ ಸಂಖ್ಯೆಯಲ್ಲಿ ಜನರು ಸಾಕ್ಷಿಯಾಗಿದ್ದರು. ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ಹಮ್ಮಿಕೊಂಡಿದ್ದ 25 ದಿನಗಳ ಯೋಗ ಕಾರ್ಯಕ್ರಮವನ್ನು ಕೇಂದ್ರ ಆಯುಷ್
ಸಚಿವಾಲಯದ ಅಡಿಯಲ್ಲಿ ಮೊರಾರ್ಜಿ ದೇಸಾಯಿ ರಾಷ್ಟ್ರೀಯ ಇನ್ಸಿಟಿಟ್ಯೂಟ್ ಆಫ್ ಯೋಗ (MDNIY) ಆಯೋಜಿಸಿತ್ತು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಗೌರವಾನ್ವಿತ ತೆಲಂಗಾಣ ರಾಜ್ಯಪಾಲರಾದ ಡಾ.ತಮಿಳಿಸಾಯಿ ಸೌಂದರರಾಜನ್ ಪಾಲ್ಗೊಂಡಿದ್ದರು. ಕೇಂದ್ರ ಬಂದರು ಮತ್ತು ಹಡಗು ಮತ್ತು ಜಲ ಮಾರ್ಗ ಸಚಿವ ಸರ್ಬನಾಂದ ಸೋನುವಾಲ್, ಕೇಂದ್ರ ಸಂಸ್ಕøತಿ, ಪ್ರವಾಸೋದ್ಯಮ ಮತ್ತು ಡೊನರ್, ಜಿ ಕಿಶನ್ ರೆಡ್ಡಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಮತ್ತು ಆಯುಷ್ ಖಾತೆಯ ಕೇಂದ್ರ ಸಚಿವ ಡಾ. ಮುಂಜ್ಪಾರ ಮಹೇಂದ್ರಭಾಯಿ ಅವರು ಈ ಭವ್ಯವಾದ ಕಾರ್ಯಕ್ರಮದಲ್ಲಿ ಭಾಗಿಯಾಗುವ ಮೂಲಕ ಕಾರ್ಯಕ್ರಮ ಯಶಸ್ವಿಗೊಳಿಸಿದರು.
ಪದ್ಮಭೂಷಣ ಪ್ರಶಸ್ತಿ ಪುರಸ್ಕೃತ ಮತ್ತು ಮಾಜಿ ಬ್ಯಾಡ್ಮಿಂಟನ್ ಪಟು ಮತ್ತು ಕೋಚ್ ಪುಲ್ಲೇಲ ಗೋಪಿಚಂದ್, ಬಹುಭಾಷಾ ನಟಿ ಶ್ರೀ ಲೀಲಾ, ವಿಶ್ವಕ್ಸೇನ್, ಕೃಷ್ಣ ಚೈತನ್ಯ ಸೇರಿದಂತೆ ಇತರ ಗಣ್ಯರು ಕೂಡ ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು. MDNIY ನಿರ್ದೇಶಕರಾದ ಡಾ ಈಶ್ವರ ವಿ ಬಸವರಡ್ಡಿ ಅವರು ಸಾಮಾನ್ಯ ಯೋಗ ಪ್ರೋಟೋಕಾಲ್ (CYP) ಅನ್ನು ನಡೆಸಿದರೆ, ಸಾವಿರಾರು ಜನರು ಆಧ್ಯಾತ್ಮಿಕವಾಗಿ ಯೋಗ ಮಾಡಿ ಅದ್ಭುತ ಆಧ್ಯಾತ್ಮಿಕ ವಾತಾವರಣ ನಿರ್ಮಾಣಕ್ಕೆ ಸಾಕ್ಷಿಯಾದರು.
ಈ ಸಂದರ್ಭದಲ್ಲಿ ಮಾತನಾಡಿದ ತೆಲಂಗಾಣದ ಗೌರವಾನ್ವಿತ ರಾಜ್ಯಪಾಲ ಡಾ.ತಮಿಳಿಸೈ ಸೌಂದರರಾಜನ್, “ಈ ಸುಂದರ ಮುಂಜಾನೆ ಯೋಗ ಮಾಡಲು ಇಲ್ಲಿಗೆ ಬಂದಿರುವುದು ನನಗೆ ಸಂತೋಷವಾಗಿದೆ. ಯೋಗವನ್ನು ಸಂತೋಷ ಮತ್ತು ಆರೋಗ್ಯದ ಹಬ್ಬವಾಗಿ ಆಚರಿಸಲು ನಮಗೆಲ್ಲರಿಗೂ ಇದೊಂದು ಅದ್ಭುತ ಅವಕಾಶ. ಪ್ರತಿಯೊಬ್ಬರೂ ಯೋಗವನ್ನು ಅಳವಡಿಸಿಕೊಳ್ಳಬೇಕೆಂದು ನಾನು ಕೇಳುತ್ತೇನೆ. ಯೋಗವನ್ನು ಜಾಗತಿಕ ಹಂತಕ್ಕೆ ತಲುಪಿಸಿದ್ದಕ್ಕೆ ಮತ್ತು ಉತ್ತಮ ಆರೋಗ್ಯದೆಡೆಗಿನ ಸಾಮೂಹಿಕ ಆಂದೋಲನವನ್ನಾಗಿ ಮಾಡಿದ್ದಕ್ಕಾಗಿ ನಾನು ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಜಿ ಅವರಿಗೆ ಧನ್ಯವಾದ ಹೇಳಬೇಕು. ಯೋಗವು ನಿಮ್ಮನ್ನು ಸಂತೋಷಪಡಿಸುತ್ತದೆ, ಯೋಗವು ನಿಮ್ಮನ್ನು ಆರೋಗ್ಯಗೊಳಿಸುತ್ತದೆ, ಯೋಗವು ನಿಮ್ಮನ್ನು ಸುಂದರಗೊಳಿಸುತ್ತದೆ ಎಂದರು.
ನಂತರ ಯೋಗಪಟುಗಳನ್ನು ಉದ್ದೇಶಿಸಿ ಮಾತನಾಡಿದ ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗ ಮತ್ತು ಆಯುಷ್ ಸಚಿವ ಸರ್ಬಾನಂದ ಸೋನೊವಾಲ್, ಯೋಗದ ಮೂಲಕ ಉತ್ತಮ ಆರೋಗ್ಯಕ್ಕಾಗಿ ಜನರು ಇಷ್ಟು ದೊಡ್ಡ ಸಂಖ್ಯೆಯಲ್ಲಿ ಯೋಗ ಮಹೋತ್ಸವದಲ್ಲಿ ಭಾಗವಹಿಸಿರುವುದನ್ನು ನೋಡಿ ನನ್ನ ಹೃದಯವು ಸಂತೋಷದಿಂದ ತುಂಬಿ ಬಂದಿದೆ. ಭಾರತದ ಭವ್ಯ ಪರಂಪರೆಯ ನಿಜವಾದ ಸಂಕೇತವಾದ ಯೋಗವನ್ನು ಪ್ರತಿ ವರ್ಷ ಜೂನ್ 21ರಂದು ಜಗತ್ತು ಆಚರಿಸುತ್ತಿದೆ. ಇದರಿಂದ ಯೋಗವು ಅಭೂತಪೂರ್ವ ಯಶಸ್ಸು ಪಡೆದಿದೆ. ಯೋಗವು ಜಾತಿ, ಧರ್ಮ, ಲಿಂಗ, ಧರ್ಮ ಮತ್ತು ರಾಷ್ಟ್ರೀಯತೆಗಳ ಎಲ್ಲಾ ವಿಭಾಗಗಳನ್ನು ಮೀರಿಸಿದೆ. ಇಡೀ ಜಗತ್ತಿನಲ್ಲಿ, ಎಲ್ಲಾ ವಯಸ್ಸಿನ ಜನರು ತಮ್ಮ ಪ್ರಯೋಜನಕ್ಕಾಗಿ ಅದನ್ನು ಸ್ವೀಕರಿಸಿದ್ದಾರೆ. ಈ ವರ್ಷದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯ ವಿಷಯ ವಸುಧೈವ ಕುಟುಂಬಕ್ಕೆ ಯೋಗ ಸಾಕಷ್ಟು ಸೂಕ್ತವಾಗಿದೆ ಎಂದು ಅಭಿಪ್ರಾಯಪಟ್ಟರು.
ರಕ್ಷಣಾ ಸಚಿವಾಲಯ, ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಮತ್ತು ಬಂದರುಗಳು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯದ ನೆರವಿನೊಂದಿಗೆ ಅನೇಕ ಬಂದರುಗಳಲ್ಲಿ ಯೋಗ ಪ್ರದರ್ಶನವನ್ನು ಜೂನ್ 21 ರಂದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ, ಯೋಗದ ಸಾಗರ ಉಂಗುರವನ್ನು ರಚಿಸಲಾಗುವುದು ಎಂದು ಸೋನೊವಾಲ್ ಎಂದು ಅವರು ಹೇಳಿದರು.
