ಇತ್ತೀಚಿನ ಸುದ್ದಿ
ಅಹಿಂಸೆ, ತ್ಯಾಗ, ಶಾಂತಿಯ ಸಂಕೇತ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಜಿನೈಕ್ಯ: ಹರಿದು ಬರುತ್ತಿರುವ ಭಕ್ತಸಾಗರ
23/03/2023, 11:16
ಹಾಸನ(reporterkarnataka.com): ಶ್ರವಣಬೆಳಗೊಳ ಜೈನ ಮಠದ ಸನಾತನ ಧರ್ಮಪೀಠದ ಪೀಠಾಧಿಪತಿ ಸ್ವಸ್ತಿ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ(73) ಜಿನೈಕ್ಯರಾಗಿದ್ದಾರೆ.
ಕೆಲಕಾಲದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರಿಗೆ ಶ್ರವಣಬೆಳಗೊಳದ ಮಠದಲ್ಲಿಯೇ ಚಿಕಿತ್ಸೆ ನೀಡಲಾಗುತ್ತಿತ್ತು. ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಅವರ ಅಂತಿಮ ದರ್ಶನಕ್ಕೆ ಅಪಾರ ಭಕ್ತರು ಬರಲಿದ್ದು, ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ. ಜೈನ ಪರಂಪರೆಗೆ 5 ದಶಕಗಳ ಕಾಲ ಅವರು ಅನನ್ಯ ಸೇವೆ ನೀಡಿದ್ದಾರೆ. ಅವರು ಅಹಿಂಸೆ, ತ್ಯಾಗ ಹಾಗೂ ಶಾಂತಿಯ ಸಂಕೇತವಾಗಿದ್ದರು.
