ಇತ್ತೀಚಿನ ಸುದ್ದಿ
Bangaluru | ಶ್ರೀ ಸತ್ಯ ಸಾಯಿ ಬಾಬಾ ಅವರ 100ನೇ ಜನ್ಮೋತ್ಸವ ಸ್ಮರಣಾರ್ಥ 160 ಕಿ.ಮೀ ವಿಶಿಷ್ಟ ಸೈಕ್ಲಿಂಗ್ ಯಾತ್ರೆ
13/11/2025, 11:30
ಬೆಂಗಳೂರು(reporterkarnataka.com): ಶ್ರೀ ಸತ್ಯ ಸಾಯಿ ಇನ್ಸ್ಟಿಟ್ಯೂಟ್ ಆಫ್ ಹೈಯರ್ ಲರ್ನಿಂಗ್ ಸುಸ್ಥಿರತೆ (ಎಸ್), ಜಾಗೃತಿ (ಎ) ಮತ್ತು ಒಳಗೊಳ್ಳುವಿಕೆ (ಐ) ಅನ್ನು ಉತ್ತೇಜಿಸುವ ಉಪಕ್ರಮಗಳ ಭಾಗವಾಗಿ ಮತ್ತು ಅದರ ಸಂಸ್ಥಾಪಕ ಕುಲಪತಿ ಭಗವಾನ್ ಶ್ರೀ ಸತ್ಯ ಸಾಯಿ ಬಾಬಾ ಅವರ 100ನೇ ಜನ್ಮ ದಿನಾಚರಣೆಯ ಸ್ಮರಣಾರ್ಥ ವಿಶಿಷ್ಟ ಸೈಕ್ಲಿಂಗ್ ಯಾತ್ರೆಯನ್ನು ಪ್ರಾರಂಭಿಸಿದೆ.
ಬೆಂಗಳೂರಿನ ಕಾಡುಗೋಡಿಯಲ್ಲಿರುವ ಶ್ರೀ ಸತ್ಯ ಸಾಯಿ ಇನ್ಸ್ಟಿಟ್ಯೂಟ್ ಆಫ್ ಹೈಯರ್ ಲರ್ನಿಂಗ್ ನ ಬೃಂದಾವನ ಕ್ಯಾಂಪಸ್ನಿಂದ ಬೆಳಿಗ್ಗೆ 7 ಗಂಟೆಗೆ ವಿದ್ಯಾರ್ಥಿಗಳು, ಹಳೆಯ ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿಯನ್ನು ಒಳಗೊಂಡ 150 ಸೈಕ್ಲಿಸ್ಟ್ಗಳು ಎಸ್ಐಎಚ್ಎಲ್ನ ನಂದಿಗಿರಿ ಕ್ಯಾಂಪಸ್ ಮೂಲಕ ಆಂಧ್ರಪ್ರದೇಶದ ಶ್ರೀ ಸತ್ಯಸಾಯಿ ಜಿಲ್ಲೆಯ ಪ್ರಶಾಂತಿ ನಿಲಯಕ್ಕೆ 161 ಕಿ.ಮೀ ಪ್ರಯಾಣವನ್ನು ಪ್ರಾರಂಭಿಸಿದರು. ಸವಾರರು 13ರಂದು ಸಂಜೆ ಪ್ರಶಾಂತಿ ನಿಲಯಂನ ಶ್ರೀ ಸತ್ಯಸಾಯಿ ಹಿಲ್ ವ್ಯೂ ಕ್ರೀಡಾಂಗಣವನ್ನು ತಲುಪುವ ನಿರೀಕ್ಷೆಯಿದೆ.
ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ ಪ್ರೊ.ಬಿ.ರಾಘವೇಂದ್ರ ಪ್ರಸಾದ್, “ಎಸ್.ಎ.ಐ.ಸಿ.ಎಲ್.ಐ. 4 ಎಸ್.ಎ.ಐ. ಮೂಲಕ, ನಾವು ಸುಸ್ಥಿರತೆ ಮತ್ತು ಸಮಗ್ರ ಶಿಕ್ಷಣಕ್ಕೆ ನಮ್ಮ ಬದ್ಧತೆಯನ್ನು ಪುನರುಚ್ಚರಿಸುತ್ತೇವೆ. ಅಲ್ಲಿ ದೈಹಿಕ ಸಾಮರ್ಥ್ಯ, ಪರಿಸರ ಪ್ರಜ್ಞೆ ಮತ್ತು ಸಮುದಾಯ ಸೇವೆಯು ನಮ್ಮ ಸಂಸ್ಥಾಪಕ ಕುಲಪತಿಗಳಿಗೆ ಕೃತಜ್ಞತೆಯ ಅಭಿವ್ಯಕ್ತಿಯಾಗಿ ಒಗ್ಗೂಡುತ್ತದೆ” ಎಂದು ಹೇಳಿದರು.
ಈ ಉಪಕ್ರಮಗಳು ದೈಹಿಕ, ಮಾನಸಿಕ, ಸಾಮಾಜಿಕ ಮತ್ತು ಪರಿಸರ ಆಯಾಮಗಳಲ್ಲಿ ಸಮಗ್ರ ಪ್ರಯೋಜನಗಳನ್ನು ನೀಡುತ್ತವೆ. ಸಂಸ್ಥೆಯ ಸಮಗ್ರ ಶಿಕ್ಷಣ ಮಾದರಿಯಿಂದ ಪ್ರೇರಿತವಾದ ಸುಸ್ಥಿರ ಅಭ್ಯಾಸಗಳ ಜೀವಂತ ಪ್ರದರ್ಶನವಾಗಿ ಕಾರ್ಯನಿರ್ವಹಿಸುತ್ತವೆ ಎಂದು ಅವರು ಹೇಳಿದರು.
ಸೈಕ್ಲಿಂಗ್ ಯಾತ್ರೆಗೆ ಹಸಿರು ನಿಶಾನೆ ಸಮಾರಂಭದಲ್ಲಿ ಎಸ್ಎಸ್ಎಸ್ಐಎಚ್ಎಲ್ ರಿಜಿಸ್ಟ್ರಾರ್ ಡಾ. ಶ್ರೀಕಾಂತ್ ಖನ್ನಾ ಉಪಸ್ಥಿತರಿದ್ದರು. ಶ್ರೀ ವಿನಯ್ ಕುಮಾರ್, ಸಂಚಾಲಕರು, ಬೃಂದಾವನ ಆಶ್ರಮ; ಡಾ. ಡಿ.ಸಿ. ಸುಂದರೇಶ್, ನಿರ್ದೇಶಕರು, ಎಸ್ಎಸ್ಎಸ್ಐಎಚ್ಎಂಎಸ್, ವೈಟ್ಫೀಲ್ಡ್; ಜೊತೆಗೆ ಎಸ್ಐಎಚ್ಎಲ್ ಕ್ಯಾಂಪಸ್ಗಳ ನಿರ್ದೇಶಕರು, ಡೀನ್ಗಳು, ವಾರ್ಡನ್ಗಳು ಮತ್ತು ಅಧ್ಯಾಪಕ ಸದಸ್ಯರು ಇದ್ದರು.
