ಇತ್ತೀಚಿನ ಸುದ್ದಿ
ಮಂಗಳೂರು: ಅಂತಾರಾಷ್ಟ್ರೀಯ ದರ್ಜೆಯ ಈಜುಕೊಳ ನವೆಂಬರ್ 24ರಂದು ಮುಖ್ಯಮಂತ್ರಿ ಉದ್ಘಾಟನೆ: ಇದರ ಸ್ಪೆಷಾಲಿಟಿ ಏನು ಗೊತ್ತೇ?
14/11/2023, 22:35
ಮಂಗಳೂರು(reporterkarnataka.com): ಸ್ಮಾರ್ಟ್ ಸಿಟಿ ಯೋಜನೆಯಡಿ ನಗರದ ಎಮ್ಮೆಕೆರೆಯಲ್ಲಿ ಸುಮಾರು 24.94 ಕೋಟಿ ವೆಚ್ಚದಲ್ಲಿ ನಿರ್ಮಿಸಿದ ಅಂತಾರಾಷ್ಟ್ರೀಯ ದರ್ಜೆಯ ಈಜುಕೊಳವನ್ನು ನವೆಂಬರ್ 24ರಂದು ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಲೋಕಾರ್ಪಣೆಗೊಳಿಸಲಿದ್ದಾರೆ.
ಈಜುಕೊಳವನ್ನು ಒಡಿಶಾ ಮೂಲದ ಕಂಪನಿಯೊಂದು ನಿರ್ಮಿಸಿದೆ. ಇದನ್ನು 3 ವರ್ಷಗಳ ಕಾಲ ಅದೇ ಕಂಪನಿ ನಿರ್ವಹಣೆ ಮಾಡಲಿದೆ. ಉದ್ಘಾಟನೆಯ ದಿನ ರಾಷ್ಟ್ರ ಮಟ್ಟದ ಹಿರಿಯರ 19ನೇ ಈಜು ಸ್ಪರ್ಧೆ ನಡೆಯಲಿದೆ.
ಏನಿದರ ಸ್ಪೆಷಾಲಿಟಿ?
* ನೆಲ ಮಹಡಿಯಲ್ಲಿ ವಿಶಾಲವಾದ ಪಾರ್ಕಿಂಗ್
*ನೆಲ ಮಹಡಿಯಲ್ಲಿ ನೀರು ಶುದ್ಧೀಕರಣ ಘಟಕ
* ಮಹಿಳೆ, ಪುರುಷ ಅತ್ಲೆಟ್‌ಗಳಿಗೆ ವಿಶ್ರಾಂತಿ ನಿಲಯ
* ಸುಸಜ್ಜಿತ ಜಿಮ್
* ಸುಸಜ್ಜಿತ ವಸ್ತ್ರ ಬದಲಾವಣೆ ಕೊಠಡಿ, ಶೌಚಾಲಯ, ಲಾಕರ್ ವ್ಯವಸ್ಥೆ
* 2ನೇ ಮಹಡಿಯಲ್ಲಿ ತೆರೆದ ಈಜುಕೊಳ
* 50 ಮೀಟರ್ ಉದ್ದ 25 ಮೀ ಅಗಲದ ಪ್ರಮುಖ ಈಜುಕೊಳ
* 25 ಮೀ. ಉದ್ದ 10 ಮೀ. ಅಗಲದ ತರಬೇತಿ ಕೊಳ
* 13.8 ಮೀ ಉದ್ದ 10 ಮೀ ಅಗಲದ ಮಕ್ಕಳ ಈಜು ಕೊಳ
* ವಿವಿಧ ವಿಭಾಗಗಳಿಗೆ ಒಟ್ಟು 3 ಈಜು ಕೊಳ
