ಇತ್ತೀಚಿನ ಸುದ್ದಿ
ಜಲಾವೃತಗೊಂಡ ಹಾಲಾಪುರ ಹಳ್ಳದ ಸೇತುವೆ: ನೆರೆಗೆ ಕೊಚ್ಚಿ ಹೋದ ಬೈಕ್; ನಾಲ್ವರು ಬಚಾವ್
27/06/2021, 20:19
ವಿರುಪಾಕ್ಷಯ್ಯ ಸ್ವಾಮಿ ಸಾಲಿಮಠ ಅಂತರಗಂಗೆ ರಾಯಚೂರು
info.reporterkarnataka@gmail.com
ಮಸ್ಕಿ ತಾಲೂಕಿನ ಹಾಲಾಪುರ ಗ್ರಾಮ ಹಾಲಾಪುರ ಹಳ್ಳದ ಸೇತುವೆ ಜಲಾವೃತವಾಗಿದ್ದು, ಬೈಕೊಂದು ನೆರೆ ನೀರಿನಲ್ಲಿ ಕೊಚ್ಚಿಹೋಗಿದೆ. ಅದೃಷ್ಟವಶಾತ್ ನಾಲ್ವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಕಮಲದಿನ್ನಿ ಗ್ರಾಮದ ಮಲ್ಲಪ್ಪ, ಬಸವರಾಜ, ಶರಣಬಸವ ಹಾಗೂ ಶರಣು ಎಂಬವರು ಬೈಕ್ ನಲ್ಲಿ ಹಳ್ಳ ದಾಟುವಾಗ ಈ ಘಟನೆ ನಡೆಯಿತು. ಬೈಕ್ ನೀರಿನಲ್ಲಿ ಕೊಚ್ಚಿ ಹೋಗಿದೆ. ಸೇತುವೆ ಮುಳುಗಿರುವುದರಿಂದ ಪ್ರಯಾಣಿಕರಿಗೆ ತೊಂದರೆ ಉಂಟಾಗಿದೆ. ಸೇತುವೆ ಎತ್ತರಿಸಲು ಹಾಗೂ ಅಗಲಗೊಳಿಸಲು ಗ್ರಾಮಸ್ಥರು ಹಲವು ಬಾರಿ ಜನಪ್ರತಿನಿಧಿಗಳನ್ನು ಒತ್ತಾಯಿಸಿದ್ದರು. ಆದರೆ ಯಾವುದೇ ಸಕರಾತ್ಮಕ ಸ್ಪಂದನದ ದೊರೆತಿಲ್ಲ.
