ಇತ್ತೀಚಿನ ಸುದ್ದಿ
ಬಹು ಬೇಡಿಕೆಯಲ್ಲಿರುವ ವೈದ್ಯಕೀಯ ದಾಖಲೆಗಳ ತಂತ್ರಜ್ಞರು: ವಿಶ್ಲೇಷಣಾತ್ಮಕ ತಾಂತ್ರಿಕತೆ ಮತ್ತು ಕಂಪ್ಯೂಟರ್ ಕೌಶಲ್ಯ ಮುಖ್ಯ
17/06/2021, 20:52
ವೈದ್ಯಕೀಯ ದಾಖಲೆಗಳ ತಂತ್ರಜ್ಞರನ್ನು ಆರೋಗ್ಯ ಮಾಹಿತಿ ತಂತ್ರಜ್ಞಾನಿ ಎಂದೂ ಕರೆಯುತ್ತಾರೆ. ಆಡಳಿತಾತ್ಮಕ ಕೆಲಸವಾಗಿದ್ದು, ಇದು ಪ್ರಾಥಮಿಕವಾಗಿ ಆಸ್ಪತ್ರೆಗಳಲ್ಲಿ ರೆಕಾರ್ಡ್ ಕೀಪಿಂಗ್‌ನಂತಹ ಕಾರ್ಯಗಳನ್ನು ಒಳಗೊಂಡಿರುತ್ತದೆ. ರೋಗಿಯ ಸ್ಥಿತಿ, ರೋಗನಿರ್ಣಯ ಅಥವಾ ಚಿಕಿತ್ಸೆಯೊಂದಿಗೆ ಅವರಿಗೆ ನೇರವಾಗಿ ಯಾವುದೇ ಸಂಬಂಧವಿಲ್ಲ. ಇವರು ರೋಗಿಯ ದಾಖಲೆಗಳನ್ನು ವೈದ್ಯಕೀಯ ಕೋಡಿಂಗ್ ಸಿಸ್ಟಮ್ ಮಾನದಂಡಗಳಿಗೆ ಅನುಸಾರವಾಗಿ ನವೀಕರಿಸಿ ಸಂಗ್ರಹ ಮಾಡಲು ಜವಾಬ್ದಾರರಾಗಿರುತ್ತಾರೆ.
ವಿದ್ಯಾರ್ಹತೆ ಹಾಗೂ ದಾಖಲಾತಿ : ವೈದ್ಯಕೀಯ ದಾಖಲೆಗಳ ತಂತ್ರಜ್ಞರಾಗಲು, ಅಭ್ಯರ್ಥಿಗಳು SSLC ಅಥವಾ PUC ವಿದ್ಯಾಭ್ಯಾಸವನ್ನು ಮುಗಿಸಿರಬೇಕು. SSLC ಆದವರಿಗೆ 3 ವರ್ಷ ಹಾಗೂ PUC ಆದವರಿಗೆ 2 ವರ್ಷದ ತರಬೇತಿ ನೀಡಲಾಗುತ್ತದೆ.
ಕರ್ನಾಟಕದಲ್ಲಿ ಪ್ಯಾರಾ ಮೆಡಿಕಲ್ ಕಾಲೇಜುಗಳು ಈ ಕೋರ್ಡ್ಗಳನ್ನು ನಡೆಸುತ್ತಿದ್ದು, ಸರ್ಕಾರದ ಪ್ಯಾರಾ ಮೆಡಿಕಲ್ ಬೋರ್ಡ್ ನ ಅಧೀನತೆಗೆ ಒಳಪಟ್ಟಿರುತ್ತದೆ.
ಈ ತರಬೇತಿಯಲ್ಲಿ ವೈದ್ಯಕೀಯ ದಾಖಲೆಗಳನ್ನು ರಚಿಸುವುದು, ನಿರ್ವಹಿಸುವುದು,ಸಂಪಾದಿಸುವುದು ಮತ್ತು ವ್ಯಾಖ್ಯಾನಿಸುವುದು ಮುಂತಾದ ಕೌಶಲ್ಯಗಳನ್ನು ಒಳಗೊಂಡಿರುತ್ತದೆ. ಅಲ್ಲದೆ, ವೈದ್ಯಕೀಯ ಪರಿಭಾಷೆ (Medical Terminology) ಕಂಪ್ಯೂಟರ್ ಸಿಸ್ಟಮ್ ಜ್ಞಾನ, ಕೋಡಿಂಗ್, ವೈದ್ಯಕೀಯ ವರ್ಗೀಕರಣಗಳು( classification), ಮಾನದಂಡಗಳು ಮತ್ತು ವಿಮಾ ತರಬೇತಿಯನ್ನು ನೀಡಲಾಗುತ್ತದೆ.
ವೈದ್ಯಕೀಯ ದಾಖಲೆಗಳ ತಂತ್ರಜ್ಞನ ಉದ್ಯೋಗ ವಿವರಣೆ ರೋಗಿಯು ವೈದ್ಯರನ್ನು ನೋಡಿದಾಗಲೆಲ್ಲಾ ವೈದ್ಯಕೀಯ ದಾಖಲೆಗಳ ತಂತ್ರಜ್ಞನು ರೋಗಿಯ ದಾಖಲೆಗೆ ಸೇರಿಸಬೇಕಾದ ವೈದ್ಯರ ಟಿಪ್ಪಣಿಗಳಿರುತ್ತವೆ. ಅವರು ರೋಗಿಯ ಆರೋಗ್ಯ ಪರಿಸ್ಥಿತಿಗಳು ವೈದ್ಯಕೀಯ ಇತಿಹಾಸ ಔಷಧೋಪಚಾರಗಳು ಮತ್ತು ಚಿಕಿತ್ಸೆಯ ವಿವರಗಳನ್ನು ಕಡತಕ್ಕೆ ಸೇರಿಸುತ್ತಾರೆ. ರೋಗಿಯ ವೈದ್ಯಕೀಯ ಇತಿಹಾಸ ಮತ್ತು ಸ್ವೀಕರಿಸಿದ ಆರೈಕೆಯ ಎಲ್ಲಾ ಅಂಶಗಳನ್ನು ಪತ್ತೆಹಚ್ಚಲು ವೈದ್ಯಕೀಯ ದಾಖಲೆಗಳ ತಂತ್ರಜ್ಞ ಜವಾಬ್ದಾರನಾಗಿರುತ್ತಾನೆ. ಈ ರೆಕಾರ್ಡ್ ಮಾಡಿದ ಡೇಟಾದ ನಿಖರತೆ ಮತ್ತು ಗುಣಮಟ್ಟವು ನಿಮ್ಮ ಉದ್ಯೋಗದಾತರಿಂದ ರೋಗಿಗಳಿಗೆ ಸಲ್ಲಿಸಿದ ಸೇವೆಗಳಿಗೆ ವಿಮಾ ಕಂಪನಿಯ ಮರುಪಾವತಿಗಾಗಿ ಸಂಬಂಧಿತವಾಗಿರುತ್ತದೆ.
ಈ ವೃತ್ತಿ ಕ್ಷೇತ್ರಕ್ಕೆ ಪ್ರವೇಶಿಸುವಾಗ ಹೆಚ್ಚಿನ ಸಮಗ್ರತೆಯನ್ನು ಹೊಂದಿರುವುದರ ಜೊತೆಗೆ ನೀವು ಹೆಚ್ಚಿನ ವಿಶ್ಲೇಷಣಾತ್ಮಕ ತಾಂತ್ರಿಕ ಮತ್ತು ಕಂಪ್ಯೂಟರ್ ಕೌಶಲ್ಯಗಳನ್ನು ಹೊಂದಿರಬೇಕು. ನೀವು ರೋಗಿಗಳ ವೈಯಕ್ತಿಕ ಮಾಹಿತಿ, ಯೋಗಕ್ಷೇಮ, ಆರೋಗ್ಯ ಕಾರ್ಯವಿಧಾನಗಳು ಮತ್ತು ವೈದ್ಯಕೀಯ ಸಮಸ್ಯೆಗಳನ್ನು ನಿರ್ವಹಿಸುತ್ತೀರಿ. ಹೆಚ್ಚಿನವರು ಪೂರ್ಣ ಸಮಯ
ಕೆಲಸ ಮಾಡುತ್ತಾರೆ ಮತ್ತು ದಿನದ 24 ಗಂಟೆಯೂ ತೆರೆದಿರುವ ಸೌಲಭ್ಯಗಳಲ್ಲಿ ಕೆಲಸ ಮಾಡುವವರು ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡಬೇಕಾಗಬಹುದು,
ಪದವೀಧರರಿಗೂ ಅವಕಾಶ : ಈ ಕೋರ್ಸ್ ನ್ನು ಯಾವುದೇ ಪದವಿಗಳಿಸಿದವರು( BA, BCom, BSc) ಉನ್ನತ ವ್ಯಾಸಂಗದಂತೆ ಹೆಚ್ಚಿನ ಉದ್ಯೋಗ ಅವಕಾಶಕ್ಕಾಗಿ ಸೇರಬಹುದು. General degree ಮಾಡಿಯೂ ವೈದ್ಯಕೀಯ ವಲಯದಲ್ಲಿ ಕೆಲಸ ಮಾಡುವ ಆಸಕ್ತಿ ಇದ್ದಲ್ಲಿ ಇದು ಉತ್ತಮವಾದ ಆಯ್ಕೆ.
ಉದ್ಯೋಗಾವಕಾಶ : ಎಲ್ಲಾ ಖಾಸಗಿ ಹಾಗೂ ಸರ್ಕಾರಿ ಆಸ್ಪತ್ರೆಗಳಲ್ಲಿ Medical Record Technicians ಅವಶ್ಯಕತೆ ಇದ್ದು, ನುರಿತ ಹಾಗೂ ಡಿಪ್ಲೋಮ ಪಡೆದ ಅಭ್ಯರ್ಥಿಗಳ ಕೊರತೆ ಇದೆ, ಮಾಹಿತಿಯ ಕೊರತೆಯಿಂದ ಈ ಕೋರ್ಸಿಗೆ ದಾಖಲಾತಿ ಪಡೆಯುವ ವಿದ್ಯಾರ್ಥಿಗಳೂ ಕಡಿಮೆ, ಕೊರೋನದಂತಹ ಸಾಂಕ್ರಾಮಿಕ ರೋಗಗಳು ಹರಡುತ್ತಿರುವ ಈ ಸಮಯದಲ್ಲಿ ವೈದ್ಯಕೀಯ ಕ್ಷೇತ್ರದಲ್ಲಿ ವಿಫುಲವಾದ ಅವಕಾಶಗಳಿದ್ದು ಜನ ಸಾಮಾನ್ಯರು ಇದನ್ನು ಬಳಸಿಕೊಳ್ಳಬೇಕಷ್ಟೆ.
– ಪ್ರತಿಜ್ಞಾ ಸುಹಾಸಿನಿ,
ಪ್ರಿನ್ಸಿಪಾಲ್,
ಮಂಗಳಾ ಕಾಲೇಜು, ಮಂಗಳೂರು
