ಇತ್ತೀಚಿನ ಸುದ್ದಿ
ಬಾಳೆಹೊನ್ನೂರು: ಅಡಿಕೆ ಕದಿಯಲು 70 ಮರಗಳನ್ನೇ ಕಡಿದ ಆರೋಪಿಗೆ ಹಿಗ್ಗಾಮುಗ್ಗಾ ಥಳಿಸಿದ ಸ್ಥಳೀಯರು
25/12/2021, 13:57
ಸಂತೋಷ್ ಅತ್ತಿಗೆರೆ ಚಿಕ್ಕಮಗಳೂರು
info.reporterkarnataka@gmail.com
ಎನ್.ಆರ್.ಪುರ ತಾಲೂಕಿನ ಬಾಳೆಹೊನ್ನೂರಿನಲ್ಲಿ
ಅಡಿಕೆ ಕದಿಯಲು 70 ಮರವನ್ನೇ ಕಡಿದವನಿಗೆ ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ನಡೆದಿದೆ.
ರಸ್ತೆಯುದ್ಧಕ್ಕೂ ಹೊಡೆದುಕೊಂಡೇ ಅಡಿಕೆ ಕಳ್ಳನ ಠಾಣೆಗೆ ತರಲಾಯಿತು. 70 ಅಡಿಕೆ ಮರ ಕಡಿದು, 3500 ಕೆ.ಜಿ.ಗೂ ಅಧಿಕ ಹಸಿ ಅಡಿಕೆ ಕಳ್ಳತನ ಮಾಡಿದ್ದಾನೆ.
ಹತ್ತಾರು ವರ್ಷಗಳಿಂದ ಬೆಳೆದ ಮರಗಳನ್ನ ನೆಲಕ್ಕುರುಳಿಸಿ ಕಳ್ಳತನ ಮಾಡಲಾಗಿದೆ.
ಮರ ಧರೆಗುರುಳಿರುವುದನ್ನ ಕಂಡ ತೋಟದ ಮಾಲೀಕ ಕಂಗಾಲಾಗಿದ್ದಾರೆ. ಕಳ್ಳನಿಗೆ ಹಿಗ್ಗಾಮುಗ್ಗಾ ಥಳಿಸಿದ ಸ್ಥಳೀಯರು ಬಾಳೆಹೊನ್ನೂರು ಪೊಲೀಸರಿಗೆ ಒಪ್ಪಿಸಿದರು.
ಆರೋಪಿ ಶ್ರೀನಿವಾಸ್ ನನ್ನ ಠಾಣೆಗೆ ತೋಟದ ಮಾಲೀಕ ಭಾಸ್ಕರ್ ಒಪ್ಪಿಸಿದರು.
