ಇತ್ತೀಚಿನ ಸುದ್ದಿ
ಆಯುರ್ವೇದ ಮತ್ತು ಹೋಮಿಯೋಪತಿ 6 ಹೊಸ ಕಟ್ಟಡ ಕೇಂದ್ರ ಸಚಿವ ಸರ್ಬಾನಂದ ಸೋನೋವಾಲ್ ಉದ್ಘಾಟನೆ
15/05/2023, 21:25
ಶಿಲ್ಲಾಂಗ್(reporterkarnataka.com): ಕೇಂದ್ರ ಬಂದರು, ಶಿಪ್ಪಿಂಗ್ ಮತ್ತು ಜಲಮಾರ್ಗ ಹಾಗೂ ಆಯುಷ್ ಖಾತೆ ಸಚಿವ ಸರ್ಬಾನಂದ ಸೋನೊವಾಲ್ ಅವರು ನಾರ್ತ್ ಈಸ್ಟರ್ನ್ ಇನ್‍ಸ್ಟಿಟ್ಯೂಟ್ ಆಫ್ ಆಯುರ್ವೇದ ಮತ್ತು ಹೋಮಿಯೋಪತಿ (ಎನ್‍ಇಐಎಹೆಚ್)ನ ಯೋಜನೆ-2 ಭಾಗವಾಗಿ ಆರು ಹೊಸ ಕಟ್ಟಡಗಳನ್ನು ಇಂದು ಉದ್ಘಾಟಿಸಿದರು.
ಈ ನೂತನ ಕಟ್ಟಡಗಳ ನಿರ್ಮಾಣಕ್ಕೆ. 60 ಕೋಟಿಗೂ ಹೆಚ್ಚು ವೆಚ್ಚ ತಗುಲಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ಸರ್ಬಾನಂದ ಸೋನೊವಾಲ್, “ಇಂದು ನಾವು ಶಿಲ್ಲಾಂಗ್‍ನಲ್ಲಿ ಈ ಆರು ಹೊಸ ಕಟ್ಟಡಗಳನ್ನು ತೆರೆಯಲು ಸಾಧ್ಯವಾಗಿರುವುದು ನನಗೆ ಅಪಾರ ಸಂತೋಷವನ್ನು ನೀಡುತ್ತದೆ. ಈ ಪ್ರಮುಖ ಸಂಸ್ಥೆಯ ಸಾಮಥ್ರ್ಯವನ್ನು ವಿಸ್ತರಿಸುವುದರಿಂದ ಈ ಪ್ರದೇಶದಲ್ಲಿ ಸಾಂಪ್ರದಾಯಿಕ ಔಷಧದ ಮಹತ್ವವನ್ನು ಮತ್ತಷ್ಟು ಹೆಚ್ಚಿಸುವಲ್ಲಿ ಇದು ಪ್ರಮುಖ ಪಾತ್ರ ವಹಿಸಲಿದೆ. ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ದೂರದೃಷ್ಟಿಯ ನಾಯಕತ್ವದಲ್ಲಿ, ನಾವು ಆಧುನಿಕ ಔಷಧದೊಂದಿಗೆ ಸಾಂಪ್ರದಾಯಿಕ ಔಷಧದಲ್ಲಿ ಪುರಾವೆ ಆಧಾರಿತ ಸಂಶೋಧನೆಯನ್ನು ನಡೆಸಲು ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದೇವೆ. ಮುಂಬರುವ ವರ್ಷಗಳಲ್ಲಿ ದೇಶದ ಆರೋಗ್ಯ ಪರಿಹಾರಗಳ ವಿತರಣಾ ವ್ಯವಸ್ಥೆಯಲ್ಲಿ ಸಮಗ್ರ ಔಷಧದ ದೊಡ್ಡ ಪಾತ್ರ ವಹಿಸುವುದನ್ನು ನಾವು ನೋಡುತ್ತೇವೆ. ಈ ಹೊಸ ಕಟ್ಟಡಗಳ ಮೂಲಕ ಸರ್ಕಾರವು ಮಾಡಿದ ಹೂಡಿಕೆಯು ಈ ಪ್ರದೇಶದಲ್ಲಿ ಸಾಂಪ್ರದಾಯಿಕ ಔಷಧವನ್ನು ಪುನರುಜ್ಜೀವನಗೊಳಿಸುವ ನಮ್ಮ ಪ್ರಯತ್ನವನ್ನು ಉತ್ತೇಜಿಸುತ್ತದೆ. ಎನ್‍ಇಐಎಎಚ್ ತನ್ನ ಆಂಬ್ಯುಲೆನ್ಸ್ ೀವೆಗಳನ್ನು ಕೂಡಾ ಶೀಘ್ರದಲ್ಲೇ ಪ್ರಾರಂಭಿಸಲಿದೆ ಎಂದು ನಿಮಗೆ ತಿಳಿಸಲು ಸಂತೋಷವಾಗುತ್ತಿದೆ” ಎಂದು ನುಡಿದರು.
ಆರು ಹೊಸ ಕಟ್ಟಡಗಳು 104 ಮಂದಿ ವಿದ್ಯಾರ್ಥಿಗಳಿಗೆ ಅವಕಾಶ ಸಾಮಥ್ರ್ಯದ ಬಾಲಕರ ಹಾಸ್ಟೆಲ್, ಇಷ್ಟೇ ಸಂಖ್ಯೆಯ ಬಾಲಕಿಯರಿಗೆ ವಸತಿ ವ್ಯವಸ್ಥೆ ಕಲ್ಪಿಸುವ ಬಾಲಕಿಯರ ಹಾಸ್ಟೆಲ್, ಟೈಪ್ 3 ಕ್ವಾರ್ಟರ್ಸ್‍ನ 8 ಯುನಿಟ್‍ಗಳು, ಟೈಪ್ ಐವಿಎ ಕ್ವಾರ್ಟರ್ಸ್‍ನ 6 ಘಟಕ, ಟೈಪ್ ಐವಿಬಿ ರೀಸೈಡ್ ಕಮ್ ಡೈರೆಕ್ಟರ್‍ಗಳ 7 ಘಟಕಗಳು ಇರುತ್ತವೆ. 25 ಘಟಕಗಳೊಂದಿಗೆ ಹಿರಿಯ ನಿವಾಸಿ ಹಾಸ್ಟೆಲ್ ಮತ್ತು 19 ಕೊಠಡಿಗಳು ಮತ್ತು 2 ಸೂಟ್‍ಗಳನ್ನು ಒಳಗೊಂಡ ಸುಸಜ್ಜಿತ ಅತಿಥಿ ಗೃಹಗಳನ್ನು 60.16 ಕೋಟಿ ಅಂದಾಜು ವೆಚ್ಚದಲ್ಲಿ ಕಟ್ಟಡಗಳನ್ನು ನಿರ್ಮಿಸಲಾಗಿದೆ.
ಸಾಂಪ್ರದಾಯಿಕ ಔಷಧದಲ್ಲಿ ಈಶಾನ್ಯದ ಪಾತ್ರದ ಪಾತ್ರದ ಬಗ್ಗೆ ಮಾತನಾಡಿದ ಸರ್ಬಾನಂದ ಸೋನೊವಾಲ್, “ನಮ್ಮ ಈಶಾನ್ಯವು ಭೂಮಿ ತಾಯಿಯಿಂದ ಆಶೀರ್ವದಿಸಲ್ಪಟ್ಟಿದೆ, ಅವರ ನೈಸರ್ಗಿಕ ಅನುಗ್ರಹವು ನಮಗೆ ಅನೇಕ ತಲೆಮಾರುಗಳವರೆಗೆ ರೋಗಗಳನ್ನು ಗುಣಪಡಿಸಲು ಸಹಾಯ ಮಾಡಿದೆ. ನಾವು ಸರಳವಾಗಿ ಈ ಪ್ರಕ್ರಿಯೆಯನ್ನು ಮುಂದಕ್ಕೆ ಕೊಂಡೊಯ್ಯಲು ಬಯಸುತ್ತೇವೆ ಇದರಿಂದ ಅದು ಇನ್ನೂ ಹೆಚ್ಚಿನ ಜನರಿಗೆ ಸಹಾಯ ಮಾಡುತ್ತದೆ ಮತ್ತು ಉತ್ತಮ ಗುಣಮಟ್ಟದ ಜೀವನವನ್ನು ನಡೆಸಲು ಅವರಿಗೆ ಸಹಾಯ ಮಾಡುತ್ತದೆ” ಎಂಬ ವಿಶ್ವಾಸವಿದೆ ಎಂದರು.
