ರಾಷ್ಟ್ರೀಯ ಸೇವಾ ಯೋಜನೆಯ ಸ್ವಯಂ ಸೇವಕರಿಗೆ ಆನ್ ಲೈನ್ ಕಾರ್ಯಾಗಾರ

August 14, 2020, 3:40 AM

ಮಂಗಳೂರು(reporterkarnatakanews): ರಾಷ್ಟ್ರೀಯ ಸೇವಾ ಯೋಜನೆ ಮಂಗಳೂರು ವಿಶ್ವವಿದ್ಯಾನಿಲಯ ಹಾಗೂ ಸ್ಕಿಲ್‌ರೆರಿ ಬೆಂಗಳೂರು ವತಿಯಿಂದ ಉದ್ಯಮಶೀಲತೆ ಕುರಿತು ಆನ್ಲೈನ್ ಕಾರ್ಯಗಾರವು ರಾಷ್ಟ್ರೀಯ ಸೇವಾ ಯೋಜನೆಯ ಸ್ವಯಂ ಸೇವಕರಿಗೆ ಇತ್ತೀಚಿಗೆ ನಡೆಯಿತು.

ಕಾರ್ಯಕ್ರಮವನ್ನು ಉದ್ಘಾಟಿಸಿದ ರಾಜ್ಯ ಎನ್ ಎಸ್. ಎಸ್ ಅಧಿಕಾರಿ ಡಾ.ಗಣನಾಥ ಎಕ್ಕಾರು ಮಾತನಾಡಿ, ಸ್ವಂತ ಉದ್ಯಮದಿಂದ ದೇಶಕ್ಕೆ ಕೊಡುಗೆ ನೀಡಿದಂತೆ ಕೌಶಲ್ಯದ ಕೊರತೆಯಿಂದ ಇಂದಿನ ಯುವಜನತೆ ನಿರುದ್ಯೋಗ ಸಮಸ್ಯೆ ಎದುರಿಸುತ್ತಿದೆ ಎಂದರು. 

ರಾಷ್ಟ್ರೀಯ ಸೇವಾ ಯೋಜನೆ  ಅನುಷ್ಠಾನಾಧಿಕಾರಿ ಡಾ.ಪೂರ್ಣಿಮ ಜೋಗಿ, ಮಾತನಾಡಿ ಉದ್ಯಮಶೀಲತೆಯಿಂದ ಸದೃಢ ದೇಶ ನಿರ್ಮಾಣ ಸಾಧ್ಯ ಎಂದರು.

ಸ್ಕಿಲ್‌ರೆರಿ ಸಂಸ್ಥೆ ಸ್ಥಾಪಕರು ಮಿಥುನ್ ಅಶೋಕ್ ಸಂಪನ್ಮೂಲ ವ್ಯಕ್ತಿ ಮಾತನಾಡಿ, ಸ್ವಂತ ಉದ್ಯಮ ಪ್ರಾರಂಭಿಸಲು ಅಗತ್ಯವಾದ ಕಂಪನಿಯ ವಿವರಣೆ,ಮಾರ್ಕೆಟಿಂಗ್ ಉತ್ಪನ್ನ,ಸೇಲ್ಸ್ ಬಜೆಟ್ ಬಗ್ಗೆ ಸವಿವರವಾದ ಮಾಹಿತಿ ನೀಡಿದರು.

ಕೊಡಗು ಜಿಲ್ಲಾ   ಕೋವಿಡ್-19 ನೋಡಲ್  ಅಧಿಕಾರಿ ವನಿತ್ ಕುಮಾರ್  ಸ್ವಾಗತಿಸಿದರು.

ಉಡುಪಿ ಜಿಲ್ಲಾ  ಕೋವಿಡ್ 19 ನೋಡಲ್ ಅಧಿಕಾರಿ ವಂದಿಸಿದರು. ದ.ಕ ಜಿಲ್ಲಾ ನೋಡಲ್ ಅಧಿಕಾರಿ ದೇವಿ ಪ್ರಸಾದ್ ಕಾರ್ಯಕ್ರಮವನ್ನು ನಿರೂಪಿಸಿದರು.

 ಮಂಗಳೂರುವಿಶ್ವವಿದ್ಯಾನಿಲಯದ ರಾಷ್ಟ್ರೀಯ ಸೇವಾಯೋಜನೆಯ ಸಂಯೋಜನಾಧಿಕಾರಿ ಡಾ. ನಾಗರತ್ನ ಕೆ.ಎ  ಅಧ್ಯಕ್ಷತೆಯನ್ನು ವಹಿಸಿದ್ದರು.