ಮಡಿಕೇರಿ ಬ್ರಹ್ಮಗಿರಿ ಬೆಟ್ಟ ಕುಸಿತ: ಮಣ್ಣಿನಡಿಯಲ್ಲಿ 4 ಮಂದಿ ಸಿಲುಕಿರುವ ಶಂಕೆ

August 6, 2020, 5:25 AM

ಮಡಿಕೇರಿ(reporterkarnataka news):

ಕೊಡಗಿನಲ್ಲಿ  ಆತಂಕ ನಿರ್ಮಾಣವಾಗಿದೆ. ಮಳೆಯ ಅಬ್ಬರದಿಂದ ಬ್ರಹ್ಮಗಿರಿ ಬೆಟ್ಟ ಕುಸಿದಿದೆ. ಬೆಟ್ಟದ ಮಣ್ಣು  ಎರಡು ಮನೆಗಳ ಮೇಲೆ ಬಿದ್ದಿದೆ. ಈ ಮನೆಯಲ್ಲಿರುವ ನಾಲ್ಕು ಮಂದಿ ಮಣ್ಣಿನಡಿಯಲ್ಲಿ ಸಿಲುಕಿದ್ದಾರೆ ಎಂದು ವರದಿಯಾಗಿದೆ. 

ತಲಕಾವೇರಿ- ಭಾಗಮಂಡಲ ರಸ್ತೆ ಸಂಪರ್ಕ ಸ್ಥಗಿತಗೊಂಡಿದ್ದು, ಎನ್ ಡಿ ಆರ್ ಎಫ್ ತಂಡ ಸ್ಥಳಕ್ಕೆ ಭೇಟಿ ನೀಡಿದೆ.

ದುರಂತ ನಡೆದ ಸ್ಥಳ ತಲುಪಲು ಸೂಕ್ತ ಸಂಪರ್ಕ ವ್ಯವಸ್ಥೆಗಳು ಇಲ್ಲ. ರಸ್ತೆ ಸಂಚಾರ ಸಂಪರ್ಕ ಕಡಿದು ಹೋಗಿದೆ. ಬೋಟ್ ಗಳ ಮೂಲಕ ಘಟನಾ ಸ್ಥಳಕ್ಕೆ ತೆರಳಬೇಕಾದ ಸ್ಥಿತಿ ಬಂದಿದೆ. 

ದೂರವಾಣಿ ಸಂಪರ್ಕ ಕೂಡ ಕಡಿತಗೊಂಡಿದ್ದು ಮಾಹಿತಿ ಪಡೆಯಲು ಅಡ್ಡಿ ಎದುರಾಗಿದೆ.