ಇತ್ತೀಚಿನ ಸುದ್ದಿ
ಕೊಕಟನೂರ ಶ್ರೀ ಯಲ್ಲಮ್ಮ ದೇವಿಯ ಸನ್ನಿಧಿಯಲ್ಲಿ ಇಂದಿನಿಂದ 9 ದಿನಗಳ ಕಾಲ ನವರಾತ್ರಿ ಸಂಭ್ರಮ
07/10/2021, 15:15
ರಾಹುಲ್ ಅಥಣಿ ಬೆಳಗಾವಿ
info.reporterkarnataka@gmail.com
ಕೊಕಟನೂರ ಸುಕ್ಷೇತ್ರ ಶ್ರೀ ಯಲ್ಲಮ್ಮ ದೇವಿ ಗುಡಿಯಲ್ಲಿ ನವರಾತ್ರಿಯ ಸಂಭ್ರಮ ಆರಂಭ ನವರಾತ್ರಿಯ ಸಂಭ್ರಮಾಚರಣೆಯ ಸಲುವಾಗಿ ಪ್ರಸಿದ್ಧ ಯಾತ್ರಾ ಸ್ಥಳ ಕೊಕಟನೂರ ಗ್ರಾಮದ ಭಂಡಾರದ ಒಡೆಯ ಶ್ರೀ ಯಲ್ಲಮ್ಮ ದೇವಿಯ ಸನ್ನಿಧಿಯಲ್ಲಿ ಇಂದಿನಿಂದ 9 ದಿನಗಳ ಕಾಲ ನವರಾತ್ರಿಯ ಸಂಭ್ರಮ ನಡೆಯಲಿದೆ.
ಒಂಬತ್ತು ದಿನಗಳ ಕಾಲ ವಿಶೇಷ ಆಚರಣೆಗಳೊಂದಿಗೆ ನಡೆಯುವ ಈ ಹಬ್ಬ ದುರ್ಗಾಶಕ್ತಿಯನ ಆರಾಧನೆ ಮಾಡುವುದರಿಂದ ಭಕ್ತರಿಗೆ ವಿಶೇಷ ಫಲಗಳು ದೊರೆಯುತ್ತದೆ ಎಂಬುದು ಇಲ್ಲಿಯ ಹಾಗೂ ಹೊರ ರಾಜ್ಯಗಳ ಭಕ್ತರ ನಂಬಿಕೆಯಾಗಿದೆ. ದುಷ್ಟರ ಸಂಹಾರ ಶಿಷ್ಟರ, ರಕ್ಷಣೆ ನವರಾತ್ರಿಯ ಸಂಕೇತವಾಗಿದೆ.
ದೀಪಗಳಿಗೆ ಎಣ್ಣೆ ಹಾಕಿದರೆ ನಮ್ಮ ಬಾಳು ಬೆಳಗುತ್ತದೆ ಎಂಬ ನಂಬಿಕೆ ಸ್ಥಳೀಯರದಾಗಿದೆ, ದೇವಿಗೆ ಪ್ರಿಯವಾದ ಹುಡುಗರೆ ಅರಿಶಿನ, ಕುಂಕುಮ ಹಾಗೂ ಹೂಗಳನ್ನು ಅರ್ಪಿಸುವುದರ ಮೂಲಕ ನವರಾತ್ರಿಯನ್ನು ಆಚರಿಸಲಾಗುತ್ತದೆ.
ನಂತರ ದೇವಿಗೆ ನೈವೇದ್ಯದ ರೂಪದಲ್ಲಿ ತೆಂಗಿನಕಾಯಿಯ ಒಡೆಯುವುದರ ಮೂಲಕ ಭಕ್ತರು ತಮ್ಮ ಭಕ್ತಿ,ಭಾವನೆಗಳನ್ನು ಅರ್ಪಿಸುತ್ತಾರೆ.