ತುಳು ಪದ : ಅಯಿಲೇಸ ಐಸ ಅಯಿಲೇಸ

August 19, 2020, 7:23 AM

ಅಯಿಲೇಸ ಐಸ ಅಯಿಲೇಸ
ಅಯಿಲೇಸ ಐಸ ಅಯಿಲೇಸ //

ಕಡಲ ಜೋಕುಲೇ ಕಡಲಪ್ಪೆ ಜೋಕುಲೇ
ಪಡ್ಡೆಯಿದ ಕಡಲ್ ಗೊರ ವಾಡನೂಕುಗ, ನಮ ವಾಡ ನೂಕುಗ//

ಮೂಡಯಿದ ಬಾನೊಡು, ನೇಸರುದಿತ್ ಬನ್ನಗ
ಪಡ್ಡೆಯಿದ ಕಡಲ್ ಡ್ ಸೆರೆತ ನಲಿಕೆನೆ
ತಂಞನದ ಪೊದಿಕೆನೆ, ಬೆಂಜನದ ಕುದುಪೆನೆ
ಬಲೆನ್ ಪುಗೆಲ್ ಪಾಡೊಂದು ಬೇಗ ಪಿದಡ್ ಗಾ//ಅಯಿಲೇಸ//

ಮೀನ ತೆಪ್ಪ ತೋಜುಂಡು,  ಬಲೆನ್ ಪಕ್ಕ ಬೀಜೊಡು
ಮಲ್ಲ ಮಲ್ಲ ಮೀನ್ ಲೆನ್ ನಮನೆ ಪತ್ತೊಡು
ಬಲ್ಯರ್ ಬಂಗುಡೆ ಕೊಡ್ಡೆಯಿ, ತೇಡೆ ಅಂಜಲ್ ಬೂತಯಿ
ಎಟ್ಟಿ ಕುರ್ಚಿ ದೆಂಜಿ ಮಣಂಗ್ ಪುಡಯಿ ನಿಲ್ಕೆಯೆ//ಅಯಿಲೇಸ//

ಸೆರೆತ ದಾನೆ ಅಬ್ಬರ, ಕರೆಟ್ ಉಂತ್ದ್ ತೂತರ
ಕಡಲ ಬರಿತ ಬಂಙ ಬದ್ಕ್ ನಿಕುಲು ತೆರಿದರಾ
ಕಡಲ ಅಪ್ಪೆ ನಟ್ಟುವ, ಉಡಲ ಬಕುತಿ ಸಂದವ
ಗಾಳಿ ಬರ್ಸ ದಾಲ ಬರಡ್ ಈಯೆ ಕಾಪುಲ//ಅಯಿಲೇಸ//
಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼಼

ಕುಶಲಾಕ್ಷಿ .ವಿ.ಕುಲಾಲ್ ಕಣ್ವತೀರ್ಥ