ಟಿವಿ ರಿಮೋಟ್ ಬ್ಯಾಟರಿ ನುಂಗಿ ಮಗು ದಾರುಣ ಸಾವು 

September 4, 2020, 9:11 AM

ಮೈಸೂರು(reporterkarnataka news): ಮೈಸೂರಿನಲ್ಲಿ ದಾರುಣ ಘಟನೆಯೊಂದು ಸಂಭವಿಸಿದೆ.  ಮನೆಯಲ್ಲಿ ಟಿವಿ ರಿಮೋಟ್ ನಲ್ಲಿದ್ದ ಬ್ಯಾಟರಿ ನುಂಗಿದ ಮಗು ಸಾವನ್ನಪ್ಪಿದೆ. ಮೈಸೂರಿನ  ಇಟ್ಟಿಗೆಗೂಡಿನಲ್ಲಿ ಈ ದುರ್ಘಟನೆ ನಡೆದಿದೆ.

 ಹೇಮಂತ್ ಎಂಬ ಮಗು ಈ ಮೂಲಕ ಪ್ರಾಣ ಕಳೆದುಕೊಂಡಿದ್ದಾನೆ.  ಆಟವಾಡುತ್ತಿದ್ದ ವೇಳೆ ಪಕ್ಕದಲ್ಲಿದ್ದ  ಟಿ ವಿ ರಿಮೋಟ್ ಬ್ಯಾಟರಿ ನುಂಗಿದ್ದ. ಮಗುವನ್ನು  ತಕ್ಷಣವೇ ಮೈಸೂರಿನ  ಕೆ. ಆರ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. 

ಇದೀಗ ಚಿಕಿತ್ಸೆ ಫಲಕಾರಿಯಾಗದೆ ಮಗು ಸಾವನ್ನಪ್ಪಿದೆ. ಆಗಸ್ಟ್ 31ರಂದು ಈ ಘಟನೆ ನಡೆದಿತ್ತು.  ಮೈಸೂರಿನ ನಜಾರಾಬಾದ್ ಪೊಲೀಸ್ ಠಾಣೆಯಲ್ಲಿ  ಈ ಸಂಬಂದ ಪ್ರಕರಣ ದಾಖಲಿಸಲಾಗಿದೆ.