ಇತ್ತೀಚಿನ ಸುದ್ದಿ
ರಾಷ್ಟ್ರದ್ರೋಹ ಆರೋಪ: ಪತ್ರಕರ್ತನ ನೇಣುಗಂಬಕ್ಕೇರಿಸಿದ ಇರಾನ್ ಆಡಳಿತ
December 12, 2020, 6:56 PM
ಟೆಹರಾನ್: ಇರಾನ್ ನಲ್ಲಿ ಪತ್ರಕರ್ತರೊಬ್ಬರನ್ನು ನೇಣು ಗಂಬಕ್ಕೆ ಏರಿಸಲಾಗಿದೆ. 47ರ ಹರೆಯದ ಪತ್ರಕರ್ತ ರೂಹೋಲ್ಲಾ ಝ್ಯಾಮ್ ಎಂಬ ಪತ್ರಕರ್ತನನ್ನು ರಾಷ್ಟ್ರ ದ್ರೋಹ ಕೃತ್ಯಕ್ಕಾಗಿ ಮರಣ ದಂಡನೆ ಶಿಕ್ಷೆಗೆ ಗುರಿಪಡಿಸಲಾಗಿದೆ ಎಂದು ಅಧಿಕೃತ ಸುದ್ದಿ ಸಂಸ್ಥೆ ಇರ್ನಾ ವರದಿ ಮಾಡಿದೆ.
ಇರಾನ್ ನಲ್ಲಿ 2017ರಲ್ಲಿ ನಡೆದ ಸಾರ್ವತ್ರಿಕ ಪ್ರತಿಭಟನೆಗೆ ಕುಮ್ಮಕ್ಕು ನೀಡಿದ ಆರೋಪದಲ್ಲಿ ಪತ್ರಕರ್ತನನ್ನು ನೇಣು ಗಂಬಕ್ಕೆ ಏರಿಸಲಾಗಿದೆ.
ಆಹಾರ ಉತ್ಪನ್ನಗಳ ದರ ಹೆಚ್ಚಳದಿಂದ ಕಂಗೆಟ್ಟ ಜನರು ಇರಾನ್ ಆಡಳಿತದ ವಿರುದ್ಧ 2017ರಲ್ಲಿ ದಂಗೆ ಎದ್ದಿದ್ದರು. ಇದರಲ್ಲಿ ಪತ್ರಕರ್ತ ರೂಹೋಲ್ಲಾ ಪ್ರಮುಖ ಪಾತ್ರ ವಹಿಸಿದ್ದ ಎಂದು ಆರೋಪಿಸಲಾಗಿದೆ.
ಈ ಕುರಿತು ವಿಚಾರಣೆ ನಡೆಸಿದ ನ್ಯಾಯಾಲಯ ರೂಹೋಲ್ಲಾ ದೋಷಿ ಎಂದು ಪರಿಗಣಿಸಿತ್ತು.
ಮರಣ ದಂಡನೆ ಶಿಕ್ಷೆ ಜಾರಿಮಾಡಿರುವುದನ್ನು ಫ್ರಾನ್ಸ್ ಬಲವಾಗಿ ವಿರೋಧಿಸಿದೆ.
