ಲೆಬನಾನ್ ಭೀಕರ ಸ್ಫೋಟದ ಬಳಿಕ ಆಂತರಿಕ ದಂಗೆ:  ಭ್ರಷ್ಟಾಚಾರ ಆರೋಪದ ಮೇಲೆ ಪ್ರಧಾನಿ ರಾಜೀನಾಮೆ

August 11, 2020, 9:25 AM

ಬೈರುತ್(reporterkarnaraka): ಲೆಬನಾನಿನ ರಾಜಧಾನಿಯಲ್ಲಿ ಕಳೆದ ವಾರ ಸಂಭವಿಸಿದ ಭೀಕರ ಸ್ಫೋಟ ಹಾಗೂ ನಂತರ ದೇಶಾದ್ಯಂತ ನಡೆದ ಪ್ರತಿಭಟನೆ ಮತ್ತು ಹಿಂಸಾಚಾರಕ್ಕೆ ತಲೆಬಾಗಿ ಭ್ರಷ್ಟಾಚಾರದ ಆರೋಪ ಎದುರಿಸುತ್ತಿರುವ ಪ್ರಧಾನಿ ಹಸನ್ ಡಯಾಬ್  ನೇತೃತ್ವದ ಸರಕಾರ ರಾಜೀನಾಮೆ ನೀಡಿದೆ.

ಅಧ್ಯಕ್ಷ ಮೈಕೆಲ್ ಒಯುನ್ ಸೋಮವಾರ ಡಯಾಬ್ ಅವರ ರಾಜೀನಾಮೆಯನ್ನು ಅಂಗೀಕರಿಸಿದರು ಮತ್ತು ಹೊಸ ಕ್ಯಾಬಿನೆಟ್ ರಚನೆಯಾಗುವವರೆಗೂ ಉಸ್ತುವಾರಿ ಸರಕಾರದ ಹೊಣೆ ವಹಿಸುವಂತೆ ಸೂಚಿಸಿದ್ದಾರೆ.

ಬೈರುತ್ ಬಂದರಿನಲ್ಲಿ ಭಾರಿ ಸ್ಫೋಟ ಸಂಭವಿಸಿದ ನಂತರ ದೇಶದಲ್ಲಿ ಉದ್ವಿಗ್ನತೆ ಹಾಗೂ ಹಿಂಸಾಚಾರ ಘಟನೆಗಳು ಹೆಚ್ಚಿವೆ. ದಂಗೆಯಲ್ಲಿ ಸುಮಾರು 200 ಮಂದಿ ಸಾವನ್ನಪ್ಪಿದ್ದಾರೆ. 6000 ಹೆಚ್ಚು ಜನರು ಗಾಯಗೊಂಡಿದ್ದಾರೆ

ನಾನು ಈ ಸರಕಾರದ ರಾಜೀನಾಮೆಯನ್ನು ಘೋಷಿಸುತ್ತೇನೆ. ದೇವರು ಲೆಬನಾನ್  ರಕ್ಷಿಸಲಿ’ ಎಂದು ಡಯಾಬ್ ಕೊನೆಯ ನುಡಿಗಟ್ಟನ್ನು ದೂರದರ್ಶನದಲ್ಲಿ ಮಾಡಿದ ಭಾಷಣದ ವೇಳೆ ಮೂರು ಬಾರಿ ಪುನರಾವರ್ತಿಸಿದರು. 

ಆಗಸ್ಟ್ 4ರ ಮಧ್ಯಾಹ್ನ ಲೆಬನಾನ್ ರಾಜಧಾನಿ ಬೈರುತ್ ಬಂದರಿನಲ್ಲಿ ಅವಳಿ ಸ್ಫೋಟ ಸಂಭವಿಸಿತ್ತು. ಸುಮಾರು 2,750 ಟನ್‌ನಷ್ಟು ಅಮೋನಿಯಂ ನೈಟ್ರೇಟ್ ಸ್ಫೋಟಗೊಂಡ ಪರಿಣಾಮ ಬೈರುತ್ ಛಿದ್ರ ಛಿದ್ರವಾಗಿತ್ತು. ಘಟನೆಯಲ್ಲಿ ಈಗಾಗಲೇ 220 ಮಂದಿ ಮೃತಪಟ್ಟಿದ್ದು, 6000ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ. ಸಾವಿನ ಸಂಖ್ಯೆ ಏರುತ್ತಿರುವುದರ ಜೊತೆಗೆ, 3 ಲಕ್ಷ ಮಂದಿ ನಿರಾಶ್ರಿತರಾಗಿದ್ದಾರೆ.