ಬೆಂಗಳೂರು: ಗಲಭೆ ಪೀಡಿತ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಿಷೇಧಾಜ್ಞೆ  18ರ ವರೆಗೆ ವಿಸ್ತರಣೆ

August 16, 2020, 9:53 AM

ಬೆಂಗಳೂರು(reporterskarnatakanews): ಹಿಂಸಾಚಾರಕ್ಕೆ ತುತ್ತಾದ ಬೆಂಗಳೂರಿನ ಎರಡು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಿಷೇಧಾಜ್ಞೆಯನ್ನು ಆಗಸ್ಟ್ 18ರ ತನಕ ವಿಸ್ತರಿಸಲಾಗಿದೆ. 

ಬೆಂಗಳೂರು ಪೊಲೀಸ್ ಆಯುಕ್ತ ಕಮಲ್ ಪಂತ್ ನಿಷೇಧಾಜ್ಞೆ ವಿಸ್ತರಿಸಿ  ಆದೇಶ ಹೊರಡಿಸಿದ್ದಾರೆ. ಇದೇ ವೇಳೆ ಡಿ. ಜೆ. ಹಳ್ಳಿ ಮತ್ತು ಕೆ. ಜಿ. ಹಳ್ಳಿ ವ್ಯಾಪ್ತಿಯಲ್ಲಿ  ಪರಿಸ್ಥಿತಿ ಶಾಂತವಾಗಿದೆ. 

ಡಿಸಿಪಿ ಶರಣಪ್ಪ ಕಾವಲ್ ಭೈರಸಂದ್ರದಲ್ಲಿ  ಭದ್ರತಾ ಪರಿಸ್ಥಿತಿಯ  ಪರಾಮರ್ಶೆ ನಡೆಸಿದರು. ಅಂಗಡಿಗಳನ್ನು ಮುಚ್ಚುವಂತೆ ಅವರು ಸೂಚಿಸಿದರು. 

ಆರೋಪಿ ನವೀನ್ ಮನೆಗೂ ಭೇಟಿ ನೀಡಿದ ಡಿಸಿಪಿ, ಮನೆಯ ಸದಸ್ಯರಿಗೆ  ಸೂಕ್ತ ಭದ್ರತೆ ನೀಡುವಂತೆ ಸೂಚಿಸಿದರು.

ಇದೇ ವೇಳೆ ಬೆಂಗಳೂರಿನಲ್ಲಿ ಮಾತನಾಡಿದ ಗೃಹ ಸಚಿವ ಬಸವರಾಜ್ ಬೊಮ್ಮಾಯಿ, ಸಾಮಾಜಿಕ ಜಾಲ ತಾಣಗಳ ದುರುಪಯೋಗ ತಡೆಗಟ್ಟುವ ಸಂಬಂಧ ಮುಂದಿನ ವಾರ ಉನ್ನತ ಮಟ್ಟದ ಸಭೆ ನಡೆಯಲಿದೆ ಎಂದು ತಿಳಿಸಿದರು.

 ಡಿ ಜೆ ಹಳ್ಳಿ ಪೊಲೀಸ್ ಠಾಣೆಯ ಮುಂಬಾಗ ಕೆಲವು ಮಹಿಳೆಯರು  ಪ್ರತಿಭಟನೆ ನಡೆಸಿದರು.   ನಿರಫರಾದಿಗಳನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಆರೋಪಿಸಿದರು.