5:50 PM Sunday7 - March 2021
ಬ್ರೇಕಿಂಗ್ ನ್ಯೂಸ್
ಸೆಕ್ಸ್ ಸಿಡಿ ಪ್ರಕರಣ: ಯುವತಿಯ ವಿಚಾರಣೆಗೆ ಮುನ್ನವೇ ದೂರು ವಾಪಸ್ ಪಡೆಯಲು ಕಲ್ಲಹಳ್ಳಿ… ‘ನಮ್ಮ ನೇತ್ರಾವತಿ ನಮ್ಮ ಜವಾಬ್ದಾರಿ’ ಅಭಿಯಾನ: ವಿದ್ಯಾರ್ಥಿಗಳು ಹಗ್ಗದ ಸಹಾಯದಿಂದ ಇಳಿದು ತ್ಯಾಜ್ಯ ತೆರವು ಕುಂಬಳ ಕಾಯಿ ಕಳ್ಳ ಗಾದೆ: ಸೆಕ್ಸ್ ಸಿಡಿ ಬಳಿಕ ತಡೆಯಾಜ್ಞೆ ಕೋರುವ ಸಚಿವರ ಸಂಖ್ಯೆ… ಕಟೀಲು ಮೇಳ ಸೇವೆ ಆಟಗಳು: ಇಂದು ಎಲ್ಲೆಲ್ಲಿ? ನೀವೇ ಓದಿ ನೋಡಿ ದೆಹಲಿ ಖಾಸಗಿ ಆಸ್ಪತ್ರೆಗೆ ಸಂಸದ ಅನಂತ ಕುಮಾರ್ ಹೆಗಡೆ ದಾಖಲು: ಕಾಲಿಗೆ ಶಸ್ತ್ರ… ತಮಿಳುನಾಡು ವಿಧಾನಸಭೆ ಚುನಾವಣೆ: 243 ಸ್ಥಾನಗಳ ಪೈಕಿ ಬಿಜೆಪಿ 20 ಸ್ಥಾನಗಳಲ್ಲಿ ಸ್ಪರ್ಧೆ?… ಅಸ್ಸಾಂ: 126 ಸ್ಥಾನಗಳಲ್ಲಿ ಬಿಜೆಪಿ 92ರಲ್ಲಿ ಸ್ಪರ್ಧೆ?: ಮಿಕ್ಕ ಸೀಟುಗಳು ಮಿತ್ರ ಪಕ್ಷಕ್ಕೆ? ಹೊರ ದೇಶದಲ್ಲಿ ಸಂಕಷ್ಟಕ್ಕೆ ಸಿಲುಕಿದ್ದ ಮೂಡುಗೆರೆಯ ಕುಮಾರ್: ನೆರವಿಗೆ ಬಂದ ಕೆಸಿಎಫ್ ಸೌದಿ… ಕೇರಳ ಬಿಜೆಪಿ ಸಿಎಂ ಕ್ಯಾಂಡಿಡೇಟ್: ಬಿಜೆಪಿ ಹೈಕಮಾಂಡ್ ಇನ್ನೂ ಘೋಷಣೆ ಮಾಡಿಲ್ವಂತೆ! ಸೆಕ್ಸ್ ಸಿಡಿ ಬಳಿಕ ಸಂಕಟದಲ್ಲಿ ಸಾಲು ಸಾಲು ಸಚಿವರು: ಮಾನಹಾನಿ ವರದಿ ತಡೆಯುವಂತೆ…

ಇತ್ತೀಚಿನ ಸುದ್ದಿ

ದೆಹಲಿ ಟು ಲಂಡನ್’: ಜಗತ್ತಿನಲ್ಲೇ ಅತೀ ದೂರದ ರಸ್ತೆ ಪ್ರವಾಸ, 17 ದೇಶಗಳ ದಾಟಿ ಪ್ರಯಾಣ! !

August 28, 2020, 3:49 AM

ನವದೆಹಲಿ(reporterkarnataka news);

ಕೊರೊನಾ ವೈರಸ್‌ ಇಡೀ ಜಗತ್ತಿನ ಪ್ರವಾಸೋದ್ಯವನ್ನು ಬುಡಮೇಲು ಮಾಡಿದರೆ, ಖಾಸಗಿ ಸಂಸ್ಥೆಯೊಂದು ಹೊಸ ಸಾಹಸಕ್ಕೆ ಕೈ ಹಾಕಿದೆ. ಇದು ಅಂತಿಂಥ ಸಾಹಸವಲ್ಲ, ಬಲು ದೊಡ್ಡ ಸಾಹಸ. ಮುಂದಿನ ವರ್ಷ ಜಗತ್ತಿನ ಅತೀ ದೂರದ ರಸ್ತೆ ಪ್ರವಾಸಕ್ಕೆ ಅದು ಸಿದ್ಧತೆ ನಡೆಸಿದೆ. ದೆಹಲಿಯಿಂದ ಬ್ರಿಟನ್ನಿನ ಲಂಡನ್ ಗೆ ಬಸ್ ಪ್ರವಾಸವನ್ನು ಆಯೋಜಿಸಿದೆ.

ದೆಹಲಿಯ ಖಾಸಗಿ ಪ್ರವಾಸೋದ್ಯಮ ಸಂಸ್ಥೆಯಾದ ಅಡ್ವೆಂಚರ್‌ ಓವರ್‌ಲ್ಯಾಂಡ್‌ ಸಂಸ್ಥೆಯು ದೆಹಲಿಯಿಂದ ಲಂಡನ್ನಿಗೆ 2021ರ ಮೇ ತಿಂಗಳಲ್ಲಿ ಈ ಐತಿಹಾಸಿಕ ಪ್ರವಾಸ ಆಯೋಜಿಸಿದೆ. ಒಬ್ಬ ವ್ಯಕ್ತಿಗೆ 15 ಲಕ್ಷ ರೂ. ಶುಲ್ಕ ನಿಗದಿಪಡಿಸಿದ್ದು, ಅದರಲ್ಲಿ ಊಟ, ತಿಂಡಿ, ಹೋಟೆಲ್‌ ವಾಸ್ತವ್ಯ, ವೀಸಾ ಶುಲ್ಕ ಇತ್ಯಾದಿಗಳೆಲ್ಲ ಸೇರಿವೆ. ಮಧ್ಯದಲ್ಲಿ ಎಲ್ಲಾದರೂ ಇಳಿದು ವಿಮಾನದಲ್ಲಿ ಪ್ರಯಾಣಿಸಬೇಕು ಅನ್ನಿಸಿದರೆ ಪ್ರವಾಸಿಗರು ತಾವೇ ಹಣ ಪಾವತಿಸಿ ವ್ಯವಸ್ಥೆ ಮಾಡಿಕೊಳ್ಳಬೇಕಾಗುತ್ತದೆ.

ಅಡ್ವೆಂಚರ್‌ ಓವರ್‌ಲ್ಯಾಂಡ್‌ ಸಂಸ್ಥೆಯು ದೆಹಲಿಯಿಂದ ಲಂಡನ್ನಿಗೆ 2021ರ ಮೇ ತಿಂಗಳಲ್ಲಿ ಈ ಐತಿಹಾಸಿಕ ಪ್ರವಾಸ ಆಯೋಜಿಸಿದೆ. ಒಬ್ಬ ವ್ಯಕ್ತಿಗೆ 15 ಲಕ್ಷ ರೂ. ಶುಲ್ಕ ನಿಗದಿಪಡಿಸಿದ್ದು, ಅದರಲ್ಲಿ ಊಟ, ತಿಂಡಿ, ಹೋಟೆಲ್‌ ವಾಸ್ತವ್ಯ, ವೀಸಾ ಶುಲ್ಕ ಇತ್ಯಾದಿಗಳೆಲ್ಲ ಸೇರಿವೆ. ಮಧ್ಯದಲ್ಲಿ ಎಲ್ಲಾದರೂ ಇಳಿದು ವಿಮಾನದಲ್ಲಿ ಪ್ರಯಾಣಿಸಬೇಕು ಅನ್ನಿಸಿದರೆ ಪ್ರವಾಸಿಗರು ತಾವೇ ಹಣ ಪಾವತಿಸಿ ವ್ಯವಸ್ಥೆ ಮಾಡಿಕೊಳ್ಳಬೇಕಾಗುತ್ತದೆ.

‘ದೆಹಲಿ ಟು ಲಂಡನ್‌’ ಬಸ್‌ ಒಟ್ಟು 17 ದೇಶಗಳನ್ನು ಹಾದು ಲಂಡನ್ನಿಗೆ ತಲುಪಲಿದೆ. ಬಸ್‌ ಸಂಚರಿಸಲಿರುವ ಒಟ್ಟು ದೂರ 20 ಸಾವಿರ ಕಿ.ಮೀ. ಆಗಿದ್ದು, ಪ್ರವಾಸಕ್ಕೆ ಒಟ್ಟು 70 ದಿನಗಳು ಬೇಕು. ಭಾರತದಿಂದ ಮ್ಯಾನ್ಮಾರ್‌, ಥಾಯ್ಲೆಂಡ್‌, ಲಾವೋಸ್‌, ಚೀನಾ, ಕಿರ್ಗಿಸ್ತಾನ, ಉಜ್ಬೆಕಿಸ್ತಾನ, ಕಜಖಸ್ತಾನ, ರಷ್ಯಾ, ಲಾಟ್ವಿಯಾ, ಲಿಥುವೇನಿಯಾ, ಪೋಲೆಂಡ್‌, ಚೆಕ್‌ ಗಣರಾಜ್ಯ, ಜರ್ಮನಿ, ಬೆಲ್ಜಿಯಂ ಮಾರ್ಗವಾಗಿ ಬಸ್‌ ಬ್ರಿಟನ್ನಿಗೆ ಪ್ರವೇಶಿಸಲಿದೆ. ದಾರಿಯಲ್ಲಿ ಸಿಗುವ ಎಲ್ಲ ಪ್ರಮುಖ ಪ್ರವಾಸಿ ತಾಣದಲ್ಲೂ 2 ರಾತ್ರಿ ಉಳಿದುಕೊಳ್ಳುವ ವ್ಯವಸ್ಥೆ ಮಾಡಲಾಗಿದೆ ಎಂದು ಸಂಸ್ಥೆಯ ಸಂಸ್ಥಾಪಕ ತುಷಾರ್‌ ಅಗರ್ವಾಲ್‌ ತಿಳಿಸಿದ್ದಾರೆ.

ಜೀವಮಾನದಲ್ಲೇ ಅತ್ಯಂತ ಹೆಚ್ಚು ಥ್ರಿಲ್ಲಿಂಗ್ ಕೊಡುವ ಈ ಪ್ರವಾಸದಲ್ಲಿ ಟೂರಿಸ್ಟ್ ಗಳು ತಮಗಿಷ್ಟವಾದ ದೇಶದಲ್ಲಿ ಇಳಿದುಕೊಂಡು ಹೆಚ್ಚು ದಿನ ಅಲ್ಲೇ ಕಾಲ ಕಳೆಯುವ ಸೌಲಭ್ಯವೂ ಇರಲಿದೆ. ಇದಕ್ಕಾಗಿ ‘ಹಾಪ್‌ ಆನ್‌ ಹಾಪ್‌ ಆಫ್‌’ ಸೌಲಭ್ಯ ನೀಡಲಾಗಿದೆ.  ಮುಂದೆ  ಆ ಪ್ರವಾಸಿಗರು ತಮ್ಮದೇ ಖರ್ಚಿನಲ್ಲಿ ವಿಮಾನದಲ್ಲಿ ಬಂದು  ಬಸ್‌ ಹತ್ತಬೇಕಾಗುತ್ತದೆ ಅಥವಾ ಊರಿಗೆ ಮರಳಬೇಕಾಗುತ್ತದೆ ಎಂದು ತುಷಾರ್‌ ಹೇಳಿದ್ದಾರೆ.

ಇತ್ತೀಚಿನ ಸುದ್ದಿ

ಜಾಹೀರಾತು