ಇತ್ತೀಚಿನ ಸುದ್ದಿ
ಜೆಇಇ ಮೈನ್ಸ್ ವಿದ್ಯಾರ್ಥಿಗಳು ಪಿಯುವಿನಲ್ಲಿ ಶೇ.75 ಅಂಕ ಪಡೆಯಲೇಬೇಕೆಂಬ ನಿಯಮ ಸಡಿಲಿಕೆ
August 1, 2020, 4:27 PM
ನವದೆಹಲಿ(reporterkarnataka)
ಜೆಇಇ ಮೈನ್ಸ್ ಪರೀಕ್ಷೆಯ ಮೂಲಕ ನ್ಯಾಶನಲ್‌ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ (ಎನ್‌ಐಟಿ) ಮತ್ತು ಕೇಂದ್ರದ ಅನುದಾನ ಆಧಾರಿತ ತಾಂತ್ರಿಕ ಶಿಕ್ಷಣ ಸಂಸ್ಥೆಗಳಿಗೆ (ಸಿಎಫ್ಟಿಐ) ದಾಖಲಾಗುವ ವಿದ್ಯಾರ್ಥಿಗಳಿಗೆ ಜೆಇಇಯಲ್ಲಿ ಉತ್ತಮ ಸಾಧನೆ ಮಾಡಿದರೂ 12ನೇ ತರಗತಿಯಲ್ಲಿ ಶೇ. 75ರಷ್ಟು ಅಂಕ ಪಡೆದಿರಬೇಕೆಂಬ ನಿಯಮವನ್ನು ಈ ವರ್ಷ ಕೈಬಿಡುವುದಾಗಿ ಸರಕಾರ ಸಿಹಿ ಸುದ್ದಿಯನ್ನು ನೀಡಿದೆ.
ಕೋವಿಡ್ 19 ಕಾರಣ ಸೆಂಟ್ರಲ್‌ ಸೀಟ್‌ ಅಲೋಕೇಶನ್‌ ಮಂಡಳಿ (ಸಿಎಸ್‌ಎಬಿ) ಈ ತೀರ್ಮಾನ ಕೈಗೊಂಡಿದೆ.
ಎನ್‌ಐಟಿ, ಸಿಎಫ್ಟಿಐಗಳಿಗೆ ದಾಖಲಾಗುವ ವಿದ್ಯಾರ್ಥಿಗಳು 12ನೇ ತರಗತಿ ಉತ್ತೀರ್ಣರಾದರೆ ಸಾಕು ಎಂದು ಎಚ್‌ಆರ್‌ಡಿ ಸಚಿವ ರಮೇಶ್‌ ಪೊಖ್ರಿಯಾಲ್‌ ಟ್ವೀಟ್‌ ಮಾಡಿದ್ದಾರೆ.
